今日係我地學校既捐血日,

因為我唔夠年齡,所以無捐,

其實我好想捐嫁,因為可以驗埋血型,

阿珍去左捐,不過我覺得哂左好多時間,無左成堂!

我地今日開始上生物堂啦,

我覺得果個mr唐係幾搞野既,

不過真係無傳話中咁靚仔bor!

放學之後,阿玲又話要去ENGLISH   CLUB所以得番我地三個,

跟住我地就去打波,走果陣就約埋阿玲同我地一齊走,

三個人打,真係無咁好玩!同埋因為太耐無打,

所以都無咩氣!唉!我地老啦!

我同阿玲仲買左野食,開始落雨啦,

搞到好狼狽!仲搞到好似落湯雞咁啊!

    刊登時間︰2006-10-09 06:37 PM    [ 訪客留言(0) ] [ 編輯日誌 ] [ 分享至FACEBOOK ]         

今朝好high,訓到十一點半先起身,

真係好耐都未試過啦,

跟住就同阿媽去九龍灣飲茶,

果間野都幾好味嫁,好過我樓下果間好多!

然後我地就去左淘大果度行下,

行左勁耐,跟住又去埋觀塘買野,

真係行度隻腳好累!

我又要幫阿媽囉好多好多野bor!

今日仲見到唔少我地學校d人!

想見果d就見唔到,

唔想見果d,就一籮籮!

    刊登時間︰2006-10-08 04:58 PM    [ 訪客留言(0) ] [ 編輯日誌 ] [ 分享至FACEBOOK ]         

本來諗住今日去阿玲屋企做功課,

不過,我地琴晚玩到好晚,

所以咪諗住今日唔出去囉!

鬼知今日我阿媽d fd黎我屋企打牌,

唉!真係激死我啦!

好鬼嘈啊!

所以我今日成日都係屋企玩電腦!

哈哈!我重睇番"泡沫之夏"呢本書,

跟住仲開始睇"泡沫之夏2"

我覺得真係好好睇!~真係好想知故事既發展!

今晚又有得睇"女王的教室"好期待啊!

    刊登時間︰2006-10-07 07:48 PM    [ 訪客留言(0) ] [ 編輯日誌 ] [ 分享至FACEBOOK ]         

今晚同左阿玲,阿珍同青婷出去玩!

本來諗住睇"寶貝計劃"嫁,但係都無位,

唉!我地真係失策啊!

跟住青婷就提議去食韓燒,

哈哈,跟住我地就去食啦!

我仲搞到俾人話!不過都係我唔小心姐!

坐係我地隔離果d人好大聲咁係度笑,

跟住阿玲:我地笑得大聲過佢地姐。

佢講呢句野真係好好笑,搞我地都係度笑!

跟住又有一班男仔黎左,佢地講d野又係好鬼大聲,

我地就話:講野可唔可以唔好咁大聲啊!

跟住阿玲又話:我地笑得大聲過佢地姐!

我地又係度笑!......

今晚係度好彩有得睇電視姐!嘻嘻!

跟住我地就去左阿玲果邊打波,

不過打左一陣,又話唔俾打,唉!

我地玩左好多低能遊戲啊!

不過今日真係好開心啊!我一定會好好咁記住嫁!

    刊登時間︰2006-10-07 12:32 PM    [ 訪客留言(0) ] [ 編輯日誌 ] [ 分享至FACEBOOK ]         

哈哈!今日係中秋節啦,真係好開心啊!

今日上英文堂果陣真係好眼訓,

不過我地既ms黃好體貼,唔再叫我地做listen,

就去對其他野!都好既,起碼唔會再訓先!

今日lunch果陣無咩胃口,所以無食到飯,

跟住就上世史,之後又上視藝,

ｙｅａｈ！ms呂因為要出去帶隊參觀,

所以我地唔哂上視藝,

雖然無左上寶貴既一課既機會,

但因為其他老師俾左好多好多功課,

所以可以係呢兩堂做功課,

哈哈,我得番數學未做咋!

我一陣就出去啦,哈哈,好期待啊!

    刊登時間︰2006-10-06 05:22 PM    [ 訪客留言(0) ] [ 編輯日誌 ] [ 分享至FACEBOOK ]