今日去喇沙打friendly，

開頭打得ok，

但第一節中段，

有條友用個膝頭撞我個膝頭，

開頭唔係好痛，

跟住打打吓開始愈來愈痛，

打完之後痛到痴線。

等隻腳好返都唔知等幾耐，

原本呢個星期d活動全部唔去得，

唉...個聖誕假咁就冇咗，

好慘慘慘慘慘慘慘慘慘慘!!!!!!!!!!!!!!!!!!!!!!

終於到咗放聖誕假啦，

今日係學校聖誕聯歡，

食咗好多野，

玩得好開心。

呢個聖誕假好似冇乜野做，

得做功課、打機、打波，

好悶啊!!!!!!!!!!!!!!

有冇d活動介紹??

今日考咗地理同中文，

地理已經覺得唔多好，

中文仲慘，

好多題冇做，

做咗果d都好多錯，

唉......都唔知我哋個中文老師教乜，

好似冇教過野，

呢個學期中文d成績全部都係自學得返黎，

今次中文都唔知考d咩分數，

合格已經好好彩，

中文唔合格要留班，

如果要留班，

我諗係創校以黎第一次有精英班d人留班，

好唔想破呢條例，

得返d科已經唔多，點算??

唉...................................................

今日好唔"鋸"d九巴，

係順利邨公園對面等23or23M，

明明兩條路線都15mins內有車，

等咗廿幾分鐘先有，

d巴士都痴痴哋，

做唔到15mins內有車，

就唔好寫9-11同12-13一班車啦

攪到我火都黎埋!!!

聽日好多野攪，

ENG默書，

中文，地理測驗，

中文點都咪點過，

一定抄硬。

．．．．．．．．．．．．．．．．．．．．．．．．．．．．

話咁快又12月，

f.2就黎過咗一半，

點解好似冇乜點學過野，

尤其係中文，

都唔知個老師上堂up乜，

同英文比起，

我覺得英文反而比較有信心，

預咗今次中文抄硬。

今次考試，

得果幾科稍為有d信心，

保得住上年大考d成績、名次已經算好彩，

呢班d人個個都一定o既實力，

好驚唔夠人哋fight，

唉...............