今日終於到咗跑越野果日，

去到香港仔果度，勁多人。

10點幾開跑，

一開始成班友(百幾人)係咁向前衝，

咁緊係有幾個仆咗係條路啦!!!

跑到中途冇乜氣，條橫膈開始痛，

跟住開始諗野，

就咁樣挨到去斜路。

落斜落到一半果緊，

後面有個開始爆出黎，

想爬我頭，

跟住我同佢死過，

最尾我快佢小小赢咗佢。

最後得29。

得呢個名次，

要多謝阿升借咗對鞋俾我、班師兄打氣，

同埋我係中途諗野，先可分散累同痛o既注意，

and諗野先可以爆得贏，

(至於我諗乜，以你哋o既聰明才智應該估到啦)

今日跑到死死吓，

好鬼累!!!!

琴日同fd去探billy，

佢做完手術冇幾耐，

而且佢father係度，

所以得幾個入咗去睇佢。

．．．．．．．．．．．．．．．．．．

今日又去咗香港仔練越野，

個成績17分48，

比上次快咗兩分鐘，

但要再快多兩分鐘先得。

上次個成績係x亮係最後講咗一句野，所以最後先做到果個成績。

今次係阿升借咗佢對鞋俾我，先做到咁o既成績。

比賽果日乜都冇，點算??

有人話跑緊果陣諗d野，

令自己跑快d，

咁諗咩野好??

比d意見黎啦!!!唔該!!!thx!!!

琴日同上年1d班人打邊爐，

撘地鐵到咗牛頭角，

叫到tys坐係張椅度睇書，

於是我走過去叫miss tong，

但事後我諗點解我唔叫"麵豉湯"，

睇吓佢有咩反應xd

去到酒樓，

我哋男一枱，女一枱，

男仔果張枱好細，

最後叫咗我過去女仔果張，

話就話係投票決定，

其實係內部定咗結果，

投票只不過係做show，

咁樣就屈咗我過去。

過咗一陣，

開始打邊爐，

於是我過返去男仔果邊。

每次肥牛一到，

一定好快俾人搶曬，

係手快有手慢冇o既規則下，

大家係度鬥搶，

好有打邊爐氣氛，

但女仔果度好靜，

最後wkm叫咗兩枝啤酒，

好正!!! 呢一日一世都記得。

今日去咗逍遙遊，

一朝早去咗KT買野，

買咗枝野飲同一枝得果定，

最須喉嚨痛，如果唔係都唔洗買得果定，

枝得果定勁貴，但好有用。

bbq果緊吳sir 幫我果組起爐，

好正，全場起得最好係我哋組。

副總統果組起咗好耐都咪得，

起完又熄，熄完又起，

跟住我去幫手，

之後又有幾個加入起爐，

起緊果陣又有一組叫我幫手。

我哋幾個潑咗好耐，

整到手都累，

終於攪掂兩個爐，

期中一個攪咗差唔多成粒鐘，

仲攪到成手都係炭，

洗咗勁耐。

完咗bbq，

我哋去咗玩石，

之後同咗某人影相，好正!!!!!!

影完相，

我哋玩咗水戰，

玩到成身濕曬，

玩咗好耐，

期間有人倒立，

但佢倒唔到3秒。

最後吳sir叫返我哋上黎，

影埋班相就走。

今日返咗學校照肺，

原本同miss o 講得幾好，

跟住姓胡果個見完家長後，

同miss o 講一句唔好意思，

就同我啊媽講我有幾壞，點壞，

miss o 都冇講話得定唔得，

佢就自把自為，

當miss o 透明。

如果你真係要講，

等miss o 俾你講先啦，

呢d只不過係基本禮貌，

你都有教我哋啦。

仲有佢俾我o既評語，

係五字真言同四字真言，

呢d根本係hea俾評語，

佢叫我哋唔好hea做功課，

但佢就hea俾評語，

真係俾佢吹脹。