尋日好早就去等秦漢，跟住就去等王進賢，之後就番屋企做project，行行下秦漢見到吳嘟嘟，佢好似好開心，我地笑左佢幾句，後果就係俾秦漢追到氣喘。之後我地就番到屋企，我地打機，玩UNO，玩大富翁.....玩玩下羅仔就同馬肇均上到我屋企，之後傅bur都上左尼。成班人將我屋企d零食全部食晒，唉！一班怪物，點食都好似唔飽。跟住又係打機，玩UNO，玩大富翁.....生活真係多姿多彩，之後係屋企打璧球，真係好好玩，過左陣，佢地就走晒lu，因為我阿媽番。剩下的，只有一堆垃圾。

夜晚，睇超級巨星，d人唱歌真係好好聽。

今日我朝早起身就番笛子班，番完番屋企。之後落街番補習，見到文慧欣，係條街度大大聲叫佢全名，當然會俾人罵啦。番補習果陣，Miss叫我地準備一d秘密，下堂要用。突然成班人望住我，都唔知咩事。仲要俾人寸我矮添。超無奈！等我聽日都問下佢地d秘密先。番到屋企7點幾，聽到樓下有綵燈會，仲要有人係到唱歌，逼我成晚聽佢地鬼叫，我真係好想投訴佢地。

組爸，組媽，

希望你地高考考得好啦！