等我向我四隻智慧牙先道個別…
有一隻仲係啱啱出緊黎，
有種扼殺幼苗o既感覺。
聽講智齒好近大動脈，所以要全身麻醉，
麻醉之前一定要空肚，
唔係o既話手術時嘔吐可能會引致窒息，
咁聽朝約左八點半去做，
所以由依家，半夜，開始就唔可以食嘢飲嘢…
……我好頸渴囉。
我計一計，手術前八個鐘+手術後最少一日要等傷口愈合，
卅個鐘冇嘢食喎，今鋪真係belated饑饉三十嘞。

牙痛左三日，
今日卒之好轉嘞，
腫仲係腫，但冇咁痛…
可以食得返嘢！即刻餓鬼咁係咁整嘢食，
真係煩架啲智慧牙！耐唔耐就扭一次計，
快啲做手術get rid of 'em！

今日係high school graduation ceremony，
phil、阿儀、婉儀都今年畢業lu，
我哥白痴搞surprise，搞到差啲唔夠ticket入場……
仲爭啲搞到阿phil遲到……
ceremony就有幾個人比speech，跟住啲senior攞cert咁…
年年都嗌啲人唔好嘈，年年都冇人理佢，
到最後仲掟帽添，上年我哋聽話冇掟，唔抵，
最後影相影相影相…兩個鐘倒就返左屋企。

又牙痛嘞！好很痛呀…
右下隻智齒我諗壓住神經線！成排牙麻o既！
右上果隻未出哂，出左四分之一咁…篤住哂啲牙肉！
下禮拜二就剝！臨尾都唔安樂o既！

雷聲轟轟，突兀的夏雨。
喜歡看矇矓的街景，
喜歡聽淅瀝的雨聲。