卒之返到屋企。
整個旅行期間都好唔舒服…
又頭痛又眼痛咁，
下次再有長途車死都唔跟…
琴日去個梁生屋企訓，
嘩，客氣到咩咁，
客氣係好，但未熟到咁o既程度…
搞到「唔好意思」、「唔使客氣」、「唔該哂」此起彼落，
真係如坐針氈囉。
不過New Jersey又好似幾好住咁o既。
吖回程途中見到阿儀一家。

車泊喺new york city 8th avenue九龍倉對面路邊，
天色愈黎愈昏暗，周圍店鋪一片霓虹燈海亮起，
好似返左去香港咁。
我喺度等我爸媽去買嘢返黎…
竟然都勾到線上到網播，
internet networks真係覆蓋到世界上各大街小巷lu。

xxxxx

相隔不過分鐘，
幾下閃電雷鳴，嘩啦啦的下起雨來。
看着玻璃外的世界逐漸變得矇矓，
心情不禁水無燈里起來，
異樣但奇妙的驟雨。

牽着她纖細瘦弱的小手，
看着她蹣跚蹣跚的腳步，
還有不時咧齒對你露出的，世上最天真瀾漫的笑容，
妹豬有令人立刻愛上她的能力。
逃避作為她父親的責任、對她一生不聞不問…
除了歸類為毫無人性、狼心狗肺、天生人渣之外，
我的腦袋沒有足夠的容量理解這種行為。

blog主而家喺connecticut！
先荒廢個blog一陣！

好耐之前出、又好耐之前睇完o既58、59話…
好似係角色特別篇之後正篇復載！
一黎58話已經透露出嚇死人o既資訊嘞，
—含劇透—
首先係彩頁！
即係呢度o既bg，
時間又飛到去六年後，
地點係彼岸英國倫敦！
果個叫倉田o既攝影師兼狗仔隊，為追尋傳聞死去o既娜娜而來！
而彩頁…就係一頭金髮o既娜娜！
呢個scene透露左娜娜冇死o既事實，
而係喺(本篇將發生o既)某個海難事故中失蹤，
輾轉去左英國，逃避日本o既一切。
而其實發生左咩事，呢兩話亦可見到一啲端倪，
同蓮o既拗撬、八卦週刊<search>o既調查…
而喺居酒屋果個街坊就透露左︰
1. 當年娜娜個阿媽美鈐帶住個女去搵娜娜外婆美雪o既情況
2. 娜娜個生父依然未明
3. 傳聞美雪同一個叫源先生o既人談過戀愛，而呢位源先生係「都築物產」社長…
4. 上原美里(偽)本名叫都築舞，好自然作者意思就係…娜娜同美里係「哎吔」堂姊妹(?)
似乎作者透露愈多，迷霧就愈深咁，
而我唔明白，或者係伏筆︰
1. 倉田喺58 o既開頭為娜娜隱暪行蹤，可能係歉疚o既表現？
2. 真一喺唱K時唔聽Layla電話，Layla喺下一格流眼淚，
    真一走出K房呢個scene係咩意思呀…一句對白都冇
另外我發現…
果種retrospective旁白o既point of view變左做娜娜lu…
嗯，仲有矢沢愛係咪睇左v for vendatta先加個guy fawks day入去架呢…
咪仲乜咁橋…
NANA應該都就黎完…