僕等がいた (我們的存在 或譯「曾經的我們」)

七月天…
竟然下冰，
比湯圓小一些的冰塊好像襲擊珍珠港的missile，
不斷降落在backyard草地上不規則的跳動，
好詭異…
明明幾小時前踏上後deck滾燙的木板灼着雙腳的觸感還在。
虧我還沉浸在雷雨聲和<A.I.R.>的二重奇妙氛圍之中，
接着竟是持續了個把小時的停電…
世界末日果然快到嚕。

爸個小學同學阿國(葛？閣？角？各？割？)黎左探佢，
由florida上黎，十幾個鐘，
會住兩三日咁話，
我間房就咁被徵用左，鬼叫我張床大咩，
帶住三個o靚仔，嘩ABC- -'
開PS2佢哋玩，指住趙雲劉備喺度講"this guy that guy"…
真係對英靈不敬。

xxxxx

牙，爸媽就徹頭徹尾香港人，
兩個仔就又中又英ABC，
就連普通家庭兩代溝通都已經有問題嘞喎…
何況雞同鴨講o既兩代人…

話說月頭喺connecticut拉姑姐屋企時va姐send左段報章報導黎，
講解一種叫蟹足腫(keloid)o既身體現象，
原來大約十幾% o既中國人都會有咁o既體質；
癥狀係受到深及真皮o既傷後疤痕修復唔識停，累積過量膠原蛋白(collagen)，
形狀似蜈蜙，又似蟹腳，故名。
蟹足腫會日復一日變大，仲會殃及未受傷o既區域添，
va姐解左我十幾年(醒起唔止五、六年)之惑！
因為我左手手臂(因四年級o既卡介苗注射)同中指(因中三上DT堂割傷)都有蟹足腫o既現象，
之前我完全唔知乜事，亦冇睇過醫生，
但我都估到我體質問題架嘞，仲錯怪過幫我縫針果位姑娘手勢差添…
search左一下，原來穿耳窿同埋紋身都可能會觸發蟹足腫(好彩我驚痛冇穿冇紋)，
不過其實有咁體質都唔一定傷親都會腫，
我右手手臂都有個正常o既疤啦，冇色又冇腫，我隻左手一定好羨慕隻右手。
treatment有多種，但冇一種係100%有效…
手術移除呢就有45%復發，舊keloid仲可能會大舊過以前添，我咁死好彩，制唔過，
注射類固醇(steroid)都係一個方法，因為可以分解膠原蛋白…
但要吉支針入去我那比正常肌膚敏感幾倍痛幾倍o既中指疤痕…真係諗起都起哂雞皮，
其他乜鬼脈衝光激光死光呢就貴得滯嘞，雖然好似比較有效，
唔貴又唔痛o既係貼矽膠貼(silicone gel sheet)，同埋用繃帶施壓，
嗱所以我就用左兩三個禮拜啲矽膠貼嘞，喺wal-mart成卅蚊買返黎o既…
keloid真係有錢人玩意哪…
而家中指o既疤明顯細左平左，血管少左，色淡左咁，
手臂上面呢就…好似細左，唉成效不大咁，
要半至一年先有效咁話…但我好想知，到時唔貼嘞會唔會又返番黎架呢，
而且我諗我都要放棄中指o既前關節唔折得lu，因為as個疤平左細左，同時都硬左，
睇個幾篇講keloid o既都冇講過喺關節o既case，
真係慘，打機冇咁靈活添。

廿年呀，同我一樣大呀XDD