成個禮拜假咁就完左，
biohazard爭少少就爆，遺憾。
仲有個零禮拜唔到就考試架啦喎，
死得啦，pass到哂要偷笑，
個sem完嘞有三科都仲喺如墮五里霧中o既狀態。

今日去踩冰，
本來我起唔到身唔去架嘞，
點知佢哋話冇人揸車，
咁好囉，我開一架，我哥一架，
夾埋十個人，好多細路…
好玩！個個一仆一碌咁，
不過都解左我踩冰o既怨念，
下次都幾難會去…

返黎時勁趕，
因為阿爸要架車返工，
另一架要去車我媽放工，
我哥今朝想當然爾係瞞住爸媽揸架車出黎，
咁我媽返黎時又想當然爾咁鬧到我哥仆喺度，
我哥又受千夫所指啦，
我都唔知點，其實我都算幫兇，
如果今朝再訓得死啲就好嘞。

真係what the…
原來我大夜神月一日，
仲要同年添，
以前睇時都唔覺眼。

卒之有時間睇戲，
睇左一陣deathnote……
啲罪犯心臟痲痺死時o既抽搐演技
月hack入警察database時啲畫面音效
L講解時用果啲plot
假L死時條黑鬼以為自己CPR緊
爭一個膠，就集齊五個啦！先睇左四分一咋！
十個膠都有望！真係一路睇一路笑

講真，
漫畫首先係原著，
而且小畑健畫功了得，
就算分鏡普通，
起碼人物o既感情、氣勢較為準確…
我諗可能動畫版都好過電影，
電影假L死果幕真係大笑點！
幾個鬼佬茄喱啡好似開緊觀眾玩笑咁，
個假L發緊吽豆咁，眼神煥散…
個黑鬼45度角咁幫假L做CPR
我記得漫畫o既呢幕真係，
L初試啼聲，好震撼架嘛！
電影版咁樣樣要怪導演，
如果唔係劇本好，會唔會咁收得呢。

xxxxx

L個妝
詩織呢個角色
南空直美藝術館果幕

test哂lu…
提前放thxgivin yeah!~

xxxxx

膠登無啦啦有個喪屍post極速爆左，
連第二個post都出埋個勢都唔停…
喪屍源自非洲巫術傳說，
謂被下蠱者都仿如行屍走肉，或被施術者操縱，
逐漸被用作小說、電影、遊戲o既提材，
發展成今日被模式化o既局面啦，
只不過喪屍化o既原因以前係巫毒，
變左今日o既病毒，
OT一下，大眾對科技o既聯想，
已經變到好似古早時代對怪力亂神魔法巫術咁嘞，
其實都無可厚非，證明左科技係幾咁進步啫，
不過希望witch hunt唔會再次發生。
我諗係因為BioHazard o既力量，
勁多人都唔知自己原來骨子裡係喪屍con！
講講下變左騎馬攞刀喪屍無雙XDDD果下好笑。
嘩即刻好想搵返隻outbreak黎玩，
file 2有得打喪獅喪象好呀。