我鍾意玩遊戲機，
特別係RPG，
可以控制角色，
欣賞個故事時可以更加投入，
可以感受下角色o既成長轉變咁。
我都玩ACT，
畢竟唔係人人都可以咁打得/咁槍法如神，
仲有AVG/恐怖game，
可以模擬吓有朝一日撞鬼時會點，
等等。
我鍾意睇台灣綜藝，
台灣主持人講嘢好笑啲，
又比較有條理，
可能係國語係書寫語言o既關係啦。
睇下乜東張西望啲主持人講嘢
一睇就知諗定哂對左稿懶幽默，
但仲係要講到食螺絲架喎。
香港根本都冇乜清談/訪問節目，
就算有都唔好笑。
tvb又邊度有節目可以日日走馬燈咁
見到不同o既人講佢哋自己o既故事？
我鍾意睇漫畫，
以圖畫黎講古仔，
類型多都數唔清，
科幻、懸疑、運動、恐怖、奇幻、商業、冒險…
咩都睇一餐，
不過最鍾意都係啲熱血<少年JUMP!>果啲少年向漫畫
一見親啲熱血對白同scene就
鍾意睇動畫，
雖然追好少，
啱睇o既淨係得kyo ani出品
另外啲好似gundam seed咁，
真係嫌劇情推進得好慢，
seed尤其成日又回顧頻繁添，
想知kyo ani幾得，
比較下gonzo o既<Full Metal Panic> (FMP)
同kyo ani o既<FMP - The Second Raid>就知…
都鍾意睇戲o既，
有邊個唔鍾意睇
要喺短短兩個鐘之內訴說一個故事，
電影入面o既感情、氣氛往往都好intense，
睇個劇本之餘，留意個導演o既敘事手法都好有趣。
鍾意睇小說，
而家係ok鍾意，
以前係好鍾意
武俠小說睇得最多，
金庸全部，古龍大部分咁啦…
科幻o既就衛斯理…
啲電腦、PS2解禁哂之後都好少掂…
前排睇涼宮都算小說
吖日文版第九本啱出左，
唔知係咪長篇呢…
鍾意上網，
正面啲睇呢，
internet真係促進左人o既交流架嘛，
會去睇blog，
睇啲人講ACG呀影評之類咁，
有啲人打blog真係好好笑…
反面啲o既就係去膠登
鍾意聽歌，
咩都聽，
覺得好聽就聽，
冇乜鑑賞能力，
Mr. Children、Kinki Kids、陳慧琳、Linkin Park
特別鍾意舊歌、可以勾記回憶o既歌咁。
自己都覺毒/宅
鍾意郁都係小學之前lu，
hae左咁多年，改唔到架嘞，反正我安樂現狀。
未經歷我o既人生又憑咩為我人生下評語呢？
又覺冇乜taste，
話口味大眾化不如話好鬼羊群
譬如鍾意親o既戲都係blockbuster，
冇計，草根出身，講乜鬼嘢taste吖
好過啲人成日發夢做上等人吖(係呀，就係話你)
但又唔係話有上進心唔好…
