你能體諒　我有雨天

為何你還來　撥動我心跳　愛你怎麼能了

同蕭敬騰真係各有各好！
但隱暪年齡事件，
反而加左佢同情分喎，
雖然離開左比賽，
應該好快會有唱片出啦掛？

返左黎一個禮拜嘞，
病都好得七七八八，
喺香港臨尾果個禮拜病左，
一直到喺飛機，加埋頭痛，
到喺suzy車上面都仲係勁辛苦，
話說飛機到Raleigh時天氣好差，
所以飛機飛左去Charlotte降落，
隨即Raleigh天氣又好返，
咁飛機又即刻飛返去Raleigh…
又上又落，整到我耳仔好痛囉，
又感冒未清，勁辛苦，
真係想有人喺隔離呵返我！
要多謝suzy等左咁耐接我哋機，owe you one！

返到美國，真係恍如隔世，
喺香港可以成日出街，
喺呢度，去得邊呀…
想去行都冇人陪啦，個個返哂去咁滯。
更慘o既係嗌人裝cable，要五日先黎到囉，
嗌人黎整電視仲離譜，要十日！
所以啱果個禮拜都係偷人線上網，
後來我哥拎左我laptop去紹(兆？少？筱？)豪度BT嘢，
點知開住msn，唔知有冇人嗌我，冇應你o既，多多包涵
諗一諗，下個summer應該會讀summer school，
今個summer應該係我最後一次有break啦，
咁諗o既話我hae都hae得光明正大啲。

倒沒太大不捨，
也許我果然生性涼薄，
也許自己過份樂觀，
以為總會有下一次。

老生常談，卻很是對，
天下無不散之筵席。
沒有終結的旅程，
不會是快樂的。

一個月，短是短了些，
但已經滿足了、盡興了。
沒有鉅細遺靡地記下每一天，
是怕記憶太深刻的話，
我會深溺其中的。

夜晚去左維園，陸肆晚會。
幾萬點o既燭光喺面前舉起，
返到黎第一次後悔手上冇相機。

八點半左右去到，
唔知係咪遲，
冇蠟燭派o既。
陸肆受害者家屬、王丹o既video，
何俊仁、幾個組織、李卓仁講嘢，
中間又有幾次喺度播歌咁。
今年晚會有五萬幾千人聚集，
多過上年萬幾人，
我覺得係因為馬力9up過所以多人
搞到佢好似曲線撐平反陸肆咁。

去元朗換智能身份證，
終於證明到我o既高智能身份
跟住喺果度行左好耐，
卒之買到電話咭！
9612 5378
熟唔熟都搵下我啦