<星光同學會超級星光大道10強紀念專輯>
有冇人鍾意星光幫？ 呢幾日隻CD loop完又loop， 首首好聽，完全聽唔厭！ 不過發覺一樣嘢， 劉明鋒隻<無盡的愛>， 成隻碟唯一o既原創歌曲， 歌詞第四句「讓我不能自己」， 好明顯係別字！ 成語「不能自已」呀， 係已經個已先啱。 認字特警，認字唔認人 即係咁，平時錯字冇乜嘢， 但寫首歌出黎有錯字真係瘀左少少囉… 而家啲細路，中文愈黎愈差嘞。
唉，楊宗緯唱首<背叛>真係好好聽， 喺星光總決賽果晚仲同蕭敬騰、曹格三一齊合唱！ 簡直係夢幻組合！
晚晚訓覺o既時候， 無論天氣幾熱、冷氣幾冇力， 都硬係鍾意攬住張被喺心口。 成日隔朝起身，張被都皺哂。 唔知算唔算怪癖， 但唔比張被我攬真係訓唔着。
聽過有啲人有種習慣， 會keep住條由細用到大o既舊毛巾， 得閒無事會拎出黎搣，唔搣唔安樂咁， 就算去旅行都會帶住。 又有啲人會訓唔到陌生枕頭… 我諗呢啲都同我習慣一樣， 都係人尋求安全感o既無意識舉動。 每當發覺自己唔知點解咁做， 但做左又會感覺唔錯時， 都會好無奈，人始終係動物呀。
A-level聽日放榜啦！ 希望所有考生都考到好成績……咪傻！ 個個都考得好，咁邊個拉低個curve？ 希望Crystal攞到好多個A，任佢揀邊間U！
冇經歷過，真係好難想像… 放榜、搵大學收，一日兩個衝擊！ 容乜易heart attack！
呀呀，講起信仰，我都會有啲失控， 特別係自己o既不解同誤解， 可能會對虔誠o既教徒構成無禮， 唔好意思呀
<友達の詩> 中村中
觸不到眼前的事 還說什麼可以看見 苦悶的愛情 還是不斷的來吧
胸痛的感覺無法治療 用其它傷將它隱蓋 還是馬上流露出來 不知從那裏流出來
若可牽手便好了 若可並肩而行便好了 不過這樣太危險了 還是做好朋友比較好
無依的我可否依在你身旁 若不介意的話 雖已分離 明白根本不可能
被笑是儍 也不抱恨 只怪自己 真的無用
忘記此事後再次相見吧 一起做好朋友好嗎
做好朋友好了
把聲好聽到諗唔到佢係變性人囉… 我記得河利秀把聲好粗好低音下o既。
lyric source: 超越性別的愛︰中村中的《友達の詩》
唔識日文點玩…
唔識日文點玩…