卒之燒左出黎玩！
好玩到癲！
好耐冇試過咁開心！
太有創意嘞！啲mini games！
歌又多我聽過o既！
orange range<花>！中島美嘉<glamorous sky>！大塚愛<smily>！等等！
勁鍾意做左六代果個配音！勁可愛！

我爸朝早同我講放假去disney world，
因為佢唔知小學定中學同學喺附近住，識得人買飛會平啲…
點知夜晚就話其實假放得三日，揸成廿幾個鐘車來回，唔多夠時間…
害我空歡喜一場…
當下好想講，坐飛機啦不如…
好彩冇講出口。

唔知點解，就算個internal clock幾亂，我都訓唔過八個鐘！
太神奇嘞，從未發生過喺放假頹廢o既我身上架播，我係咪身體有事呢，迴光反照之類。

我隻達達女唔知咩事返老還童！
我仲唔小心用佢黎執左粒白色仙人掌種子！
玩咩？悲喜交集中。

我媽佢似乎就係too dumb to own a computer果種…

A︰「B，幫幫手啦。」
B︰「幫你唔係唔可以，但一而再再而三，我都有expense架嘛，我依家呀…」
A︰「幫下手都唔得？點解你會咁奸，點解你會咁自私，你人格有問題，你要檢討，你…」
B︰「好好好停！我幫你啦下，我自己啲嘢唔做啦！」
A︰「咁先係架嘛，世界就係咁樣運行o既。」

過左排…

B︰「A，幫下手啦，我有事在身。」
A︰「下？我夠有事在身，想我唔做自己啲嘢黎幫你？點解你會咁奸，點解你會咁自私，你人格有問題，你要檢討，你…」
B︰「……」

過多排…

A︰「B，幫下C手啦，佢好需要幫手。」
B︰「好，當然啦，咁你呢？」
A︰「我咪幫佢叫左你幫佢囉。」
B︰「……」
而C多謝o既係A。

有時候會有咁o既confuse…
幫人忙原黎唔係自由，拒絕人都冇權，
有一類人天生要幫人忙先有存在價值…
另一類人就似乎天生有權叫人幫忙…
其實，又冇咁極端o既…
但有啲人o既態度係差…
幫一次手好，第二次好，第三次好……
突然到第N次唔制嘞，就反面！「原黎你係啲咁o既人！」
點解一次拒絕就否定哂之前所有嘢…
一啲感恩之心都有…
唔通一段關係係靠一方幫忙另一方先維持到架咩…
咁o既關係冇人希罕…
但係人之間o既關係又唔係交換，我哋唔係鍊金術士…
等值交換太冷，而單方付出又太熱…
取個中庸之道吧…
算了，冇propaganda…
我太biased…