disneyland@hk！！
咁就開左…
下個summer我要去…
睇新聞透視、星期日檔案之類，幻滅左唔少…
背後一切都係錢咁…
但點都要去o既…

……

喺屋企真係乜都做唔到乜都温唔到…

……

rip左阿爸隻王傑selection…
啲歌就算原意唔悲，我聽落都心入面唔舒服…
點解佢唱歌唱到咁架…
哭腔咁感覺…
好好聽呀…T^T'
細個時阿爸成日播…
啲歌啲詞入哂腦…
我記得<盼望>同<假如能夠>好似係王傑有份拍o既劇o既歌…
細個睇，好淒涼咁…
依家聽返，會聽到呆左，會諗返起果種感覺…
曾經聽過，深刻o既歌，隔左咁耐聽返真係會好有回憶…
鍾意聽舊歌，係咪已經上年紀o既徵兆…
「可以笑的話，不會哭…
到底得幾分傷心幾分痴…」

有月餅食…
好耐好耐冇食過嘞，感動…T口T
其實幾時係正日呢…

……

其實喺一系列「食到飽」o既願望之中，
月餅最少係喺首八強之中架…
但月餅好鬼貴…~ ~'
記得細個時有次好想食月餅，見啲大人食…
但唔知點解早熟，
咁細個就識唔好意思直接講喎…
就好好意思咁一路嗌肚餓…
啲大人就比嘢我食啦，
但餅乾呀麵包呀飯呀係咁質我食，就係唔比月餅我食…
憑住細路哥一種「月餅不進口死不休」o既執着，
我食極都仲嗌餓…小S口中「死小孩」就係呢挺。
到最後呢，乜都嘔哂出黎…哈…
嘔完喺度喊，辛苦吖嘛…
好彩都知驚，喊完冇再嗌餓，放棄左月餅嘞…
但都可見月餅喺我口中o既地位…
因為「驅逐胡虜，恢復中華」吖嘛！
第二呢亦都可見我細個係一個低能兒，
咁o既一個白痴大個左都讀到下書，你點會唔得呢va姐…
三黃白蓮蓉未免太多…= ='
一黃夠啦，冇黃更佳，
蛋黃冇文冇味又油淋淋，都唔知有咩好食…

<信仰>
張信哲

每當我聽見憂鬱的樂章，勾起回憶的傷
每當我看見白色的月光，想起你的臉龐
明知不該去想，不能去想，偏又想到迷惘
是誰讓我心酸，誰讓我牽掛，是你啊!

我知道那些不該說的話，讓你負氣流浪
想知道多年漂浮的時光，是否你也想家
如果當時吻你，當時抱你，也許結局難講
我那麼多遺憾，那麼多期盼，你知道嗎？

我愛你，是多麼清楚，多麼堅固的信仰
我愛你，是多麼溫暖，多麼勇敢的力量
我不管心多傷，不管愛多慌，不管別人怎麼想
愛是一種信仰，把我，帶到你的身旁。

我愛你，是忠於自己，忠於愛情的信仰
我愛你，是來自靈魂，來自生命的力量
在遙遠的地方，你是否一樣，聽見我的呼喊。
愛是一種信仰，把你，帶回我的身旁。

得一堂一個鐘，history o既recitation…
癲架…一個禮拜睇一本書+一版reaction paper…
簡直係無間道…

我爸黎，一齊去食嘢，佢幫我食咁一餐…
食食下電話響，
我拎起，兩方「喂」左好耐，僵持左陣…
最終係對方問我係邊個，我答啦，佢就笑XDDD話打錯，阿輝家姐…
隱約聽到佢同阿輝講，點解打去表哥度會去左達仔度架…
好無奈…點知你嘖XDDDDD
跟住同阿輝吹左陣水…
哈…啱做完gym，你想返去選港男是不XDDDDD
就住做呀…肌肉太大舊咪盞唔好睇…

揸返屋企…一路上塞到咩咁…
又去左大亞洲美亞同Best Buy，
so個半鐘車變左三個鐘…
係咁brake喎，爆不爽，我差啲撞到人pat pat x n次
吖，第一次去美亞，沒啥看的，
但播張信哲喎！聽到首差啲唔記得左o既歌…
有冇人鍾意佢架，歌詞有句︰「我愛你 是多麼XX多麼YY的ZZ…」
……國語爛，抱歉。
前面有小提琴聲好耐咁的…
有冇人知歌名係乜…
我記得係有隻game神鵰俠侶o既歌黎…
當年彭健華借我玩的…

小S個肚月黎月現嘞…
決定左幾時停康熙未架…
但康熙停左，都仲有兩代，同最近集集追o既桃色蛋白質…
唉，電視迷…

英文堂，早放左三個字，點半放左… 
Gabriel好開心，話返去訓覺…
我話，我兩點有堂，早放都冇意義…
佢突然間笑到哮哂喘咁XDDDDD
我呆左，乜原黎我咁幽默…= ='

我諗佢自細得爸媽同佢講廣東話…
而啲fren就全部美國人啦…
so不知不覺，講廣東話時唔會搞爛得去邊…
講英文時肯定會開心啲…
會造成佢唔鍾意廣東話…
哈…我要提高返佢對中文o既興趣…