Totally lost in chemistry...
got stuck at the first page of the lecture notes....
holy crap...

It's getting chill...~ ~'

怪癖…出題出得幾好，真係見到好多意想不到o既怪癖…
咁我又諗下啦…有待補充…

1. 轉筆，諗嘢時，fing到好用力手指抽筋筆蓋飛脫果隻。
2. 唔鍾意蝦陣味，從未食過蟹，未食過榴槤…見到火龍果會噁心。
3. 除左mountain dew，飲其他soda鍾意「chok」哂啲氣走先飲。
4. 好憎format電腦…有人鍾意，覺得乾淨…我會覺得老朋友突然變左陌生人。
5. 唔autohide個taskbar會唔想用部電腦。
6. 會毫無意義、不停咁喺desktop度drag啲長方形出黎。
7. 飲水成杯鍾意留一啖，過陣再乾左佢。
8. 手一閒下來就會摸左手果兩度疤痕。
9. 揸車起步會死望住個轉數表，好想轉波轉得冇咁chok…我覺得好快會因為咁而出事。
10. 一無嘢做就噤去人xanga…會唔記得冇耐前先去過。
11. 淨係識噤左邊o既shift，打大A時就用無名指…其實係一個disability黎@@'
12. 會不自覺咁「唉」「嗯」「嘖」等等…自己唔知道騷擾到人。
13. 永遠記唔住人哋生日，電話，門牌等數字，爸媽生日都…勉強up得出月份。
14. 揸筆姿勢錯了…我用食中姆三隻手指黎壓喺筆上面的。
15. 食飯，如果有，頭果啖飯同尾果啖飯都要配veggie…咁就感覺自己食左好多veggie嘞。
16. 就算用鉛筆都唔用擦膠，寫錯都劃左佢。
17. 講電話、同唔熟o既人講嘢會提高key扮主播/壓低把聲扮有磁性。
18. 一個人喺房時會un腳，一意識到有人時會好自然定哂，我冇控制過的。
19. 食lays薯片會停唔到口…食哂攞去dump時見到佢句slogan"no one can eat just one!"時會有被串o既感覺。
20. 唔識日文聽日文歌格硬跟住唱。
21. 唔知點解唔戴錶。
22. msn時諗點打會係咁噤倉頡碼，係咁噤backspace，交替…總之比人見到達仔is typing。
23. 好憎double click，所以去folder option校左single就得。
24. 唔剪指甲，懶剪，剪左時會覺得手指頭肉好脆弱好敏感好痛…我指甲好乾淨的，成日洗手架…但礙於一般人對剪甲男o既偏見我都會剪o既。
25. 鍾意聞天拿水、油漆味。
26. 自有無線mouse後用mouse鍾意曲起手臂，將mouse貼近心口黎用。
27. 好鍾意陰天、雨天，好鍾意搣起窗簾望住灰灰的天空，好鍾意聽淅淅瀝瀝的雨的聲音。
28. 搭巴士坐上層最前，睇二百七十度風景。
29. 沖涼係咁諗嘢諗到唔記得用左洗面膏/淋浴露未，好嘥水的。
30. 冇方向感到極致…識黎唔識走果隻。

哈！多吧！我諗左好耐架！無聊呀哩！但大部份都係習慣黎啫，算不上怪癖…

tag你︰阿儀、kelvin仔、卡路菜、shield哥仔、彤彤

遊戲玩法︰

在一些英文網站看到這種有趣的Blog Tag遊戲，
規則很簡單。開始遊戲的人出一個題目，
在自己的blog上寫下答案，
然後把題目丟給另外五個人，
在文末附上這五個人的連結，
並且到這些人的留言版留言，
這五個被tag到的人，
在自己的blog註明(並附上連結)是從哪一個blogger那裡傳來的題目(可用「引用」功能)，
然後寫下自己的答案，
再去貼另外五個人，
如此繼續下去。

……

va姐度cope返黎，
其實係internet blog就得架啦…唔一定要xanga。
我唔想玩怪癖，因為我係正常人…XDDDDD唔係，係怪癖tag太氾濫lu…
我要出o既題目…唔，「死穴」。

題目！！︰有甚麼電影/劇/小說/動漫畫/故事某些要素你看了聽了，99%以上會流淚？？請列五個或以上。
或者可以敍述一下曾經令你哭得厲害的情節湊一湊數…

1. 牙…我記得好細個第一次睇a BraveHeart時最後果幕喊到我浠瀝嘩啦，Mel Gibson大嗌「Freedom！！」時我簡直黃河決堤…從此我就對果種講「革命」呀，講「國仇家恨」，吹捧民族主義民族英雄，激動o既領導者，率領人民、兵士之類之類o既情節好感冒…
2. 睇Slam Dunk，對山王，櫻木花道救界外球，飛身撞左去裁判席定邊度之類o既bench度，唔exactly記得總之好似痛到佢咩咁，背肌受傷之類…啲人同佢講，你咪制呀，再打落去，你會斷送你球員生命！！跟住好似彩子話，櫻木傷到咁，要接受物理治療，要半年以上之類，咁醫好返之後，好大可能佢過去果幾個月所做o既一切練習等等全部好似發左場夢咁！！白廢哂。櫻木冇理，照樣忍住！打埋場比賽！要講，就係話主角天質好好，喺比賽場上有嚇親人o既表現時…
3. 仲有度，赤木剛憲喺對果隊紫色，唔記得乜名，地區o既好勁果隊呢…佢跳起搶完籃板，落地踩到人哋隻腳，即刻扭親…去左休息室，彩子幫佢除鞋，成隻腳踝腫哂！赤木話唔緊要，幫佢扎住隻腳佢要再上場…彩子O哂咀，勸佢唔好，咁赤木就喝佢！「咪嘈！快啲手！我依家三年級，今年係最後機會嘞，點都要上場！」呀…講角色喺學校最後一年嘞，今年係最後機會之類…好好喊，所以都睇H2、Touch、Eyeshield21之類…
4. 睇One Piece…好多度，總之講親路飛要去救朋友，為左啲同伴要生要死咁就好睇！「XX是我的同伴！！」之類…
5. 打鬥、動作場面畫得有魄力o既畫面…我都唔知點解會睇到熱淚盈眶XDDDDnaruto、hunter之類…
6. 回憶…畫面突然effect左、聲音變哂echo，例如naruto講小櫻同婆婆vs蠍，出現婆婆回憶畫面，講蠍細個時冇爸媽，婆婆整左父同母兩個人偶比佢…熱辣辣新出係講打完嘞，小櫻比蠍插左一刀！婆婆對櫻施術，同蠍講，呢個術係將生命力轉移，係自己專為蠍而開發o既！跟住插左一格回憶，係蠍同父、母，即係呢個術係想父同母變成人…而呢個術o既代價係施術者o既生命。蠍無言…或者另一種回憶，愛情o既惆悵…NANA，講hachi過左咁耐，撞返見章司！表面o既應對如流談笑風生，過去o既痕跡依然留喺心中…會後悔，因為自己已成長左，只能感嘆「此情可待…」算了…~ ~'
7. 死左人，最多人o既一點…其實我對呢點免疫力不小，可能仲未夠經歷…天龍八部入面喬峰一嘢亢龍有悔打去「段正淳」度，打飛左去，喬峰諗佢仲乜咁弱雞，走去睇，原黎易容過，係阿朱黎！佢唔想佢意中人同自己阿爹打生打死，希望替代自己老豆，屈喬峰算數唔好再尋佢阿爹仇！好喊…牙…仲有Beautiful Life度常盤貴子死都好喊…仲有唔…藉着雨點說愛你！精遂喺佢結尾呀，作者佈局好掂…竹內結子佢睇返自己日記，知道原黎佢自己喺果場車禍度去左未來！返番去過去，即使知道自己會死，仍然選擇去同巧結婚，要去令佑司出生喺呢個世上，因為佢愛佢哋…

唔係好諗到lu，
想打喊o既死穴喺因為睇桃色蛋白質…
陶子配王文華，悶！唔好睇！陶子配侯佩岑，爆笑！精彩！XDDDDD
黑人黎，講佢死穴係講父子講軍人之類，就好好喊，同王力宏去睇戲兩個喊到收唔到…
琴日果集，張鎬哲黎，死左老婆，講起，侯佩岑喊到咩咁…陶子都有，但冇咁犀利…

tag你哋︰阿瓊、va姐、藍嵐、Carol、Phil、阿儀

夜晚醒左好多次，但訓左好耐，唔知算唔算好訓…
個枕頭硬到離奇呀…

白白痴痴咁喺Eastern Wayne High放學時間左右返去…
白白痴痴咁去到，根本冇位比我入到去泊車…
白白痴痴咁諗住去阿phil度探下佢，驚覺乜佢屋企咁遠…
嘩，好耐冇黎過，唔同哂咁…
過左陣再返學校…
行左好多無無謂謂路呢，真係揸車唔知油費貴…
老百姓窮到冇飯食？！仲咩唔食肉？？XDDDDD

Ms Lloyd不在…
揾Ms Coates，問佢AP啲refund…
今日啱寄黎XDgood timing也…
但我爭咁百六蚊喎…
會call返我咁話…ahem…
Ms Coates有左XD個肚好現lu…
男仔喎，唔知十一月出世，
比左張超聲波相我睇@@'第一次見實物也…
原黎佢以前都係讀Carolina的…

返到屋企…又進入一個逸樂狀態…
假是永遠放不完的…~ ~'
唉，冇乜動力，咁落去唔掂…