今日收到電話

發現原來好多事，都係香港既我地無去做既=w=

係d咩? 好簡單，就係做下家務

我自問一下自己，我最多都係極之空閒既時候或者可能大時大節之中先會好主動去幫自己屋企做下家務。最多都係因為老媽無時間

會幫手晾下衫，同埋因為想學煮野食，所以走去廚房學，

但係原來今日一個電話先令我明白到一樣野，就係去到人地到做客，你應該主動既去幫手做下野，

例如食完飯幫手收拾下，咁樣不但人地會覺得你係有家教既，而且覺得你係有禮貌既人。

就算平日係屋到，你都應該去幫手，因為屋唔只係你父母住既，你都係家既一份子

可能有d人話我屋有工人wor，呢d野唔駛我做，但係咁樣覺得就大錯特錯la，因為你做家務既時候會令你個人郁下，一黎無咁易肥，做

下運動嘛(無科學根據，不過你咁郁下好過唔郁)，同埋你既惰性都會因為咁少好多架

點解我會咁講呢，因為就係因為從自己睇出，加上當然有人啟蒙la (邊個唔話你知>.<)，所以大家睇到既話不妨做下，至少係屋企，唔好

做隻只係識食識玩，對家無貢獻既人，加上咁做你父母一定好開心，有個咁乖既仔女，我自己都要開始學下咁樣做，千祈唔好俾籍口俾

自己呀，我地一齊加油。

另外一件事就係，今日睇報紙，見到話當今既人同佢地父母比較，發現因為宜家既人打機打得太多，所以腦部思考既能力比佢地父母係

降低左架呢，因為打機少左思考wor，大家點睇呢??佢仲話點解大家既學業水平仲係同我地父母一樣呢，原來可能只係因為學科考試水平

低左既原故，唔係因為大家仲係as a same level，唔通我地真係一代不如一代0.0

呢個問題值得我地去深思。