今朝7點起身....燙校服!
因為有小學黎參觀學校...so MISS POON話要著得整整齊齊喎!
出門口個陣撞到阿屎一齊搭車!
返到去仲早~係度行下企下!!

我原本無咩心情黎幫手架~因為我想練波多D!
但點知我負責講解D女仔都幾好傾~
我好興奮地係咁講係咁講...有時仲會串下嘴!
同他們都幾好傾啊!!! ^^
之後返去B11聽校長講野! 我即走人....
去左CANTEEN同阿爹&奶粉&皇上傾左計仔!
10點半再返上去! 咁就完左今日幫手0既任務啦~
同班馬騮留到11點半到啦~走人!

返到屋企, 第一時間執屋企! 因為實在太亂啦~
執到差唔多, 掃地, 拖地, 好快搞掂!^^
之後玩左1粒鐘電腦....打電話俾雨雁!
我地原本約好3點出門口...點知延遲到3點半到!
我約雨雁係萬寧見...我去到個陣見唔到雨雁! 以為她係石籬個間!
於是跑左上去~我係猶豫行邊個陣...我最終行M記前面~
點知雨雁行M記後面! 我打左電話俾她, 她又唔聽喎!
當我走到上去石籬~她先打俾我話係石蔭!
我俾個天玩死! = =
之後她係石蔭等車, 我係石籬等車! 無奈!

係車個陣...見到個細路女...她叫做詠琪啊!!!>33<
好可愛架~她講好多野...3歲半咋! 真係講好多野!
我同雨雁係度同她傾計~她要去學整曲奇餅!!
我:你整俾邊個食啊!?
琪:JIUJIU & JIUMU
我:咁整唔整埋俾我食啊?
琪:嗯~好啊!
我:但你點俾我啊!?
琪:係呢度!
我:你聽日都搭呢架車架!?
(跟住她笑了! 好可愛啊!>333< 我地仲講左好多野!)
琪:我個間學校有個同學好唔乖! 他叫何卓琪! = =
我:咁你要做個乖學生啊! 知嘛!?
琪:嗯~好啊!
我:咁好啦~我地勾手指尾! 你要俾心機讀書啦!
哈哈.....我居然同個唔識0既細路女有個諾言!
神奇啊!

之後同雨雁係旺中度行左好耐好耐....
因為我地兩個都傻下傻下...係最高個陣行左勁耐~
但都好似未行完咁! 最主要原因係太多人...真係逼到行都行唔到!
我買左條普普通通都牛仔褲算啦~始終我又唔係好好身材! 唉....
兩雁一時衝動買左個唔知咩...見到另外一間靚D...之後勁後悔!
抵她死...我拉她走她死唔走要買姐!

到左6點半...走人!
我行錯路! 搞到兩個人一直係咁行係咁行....
行到去信和 = =
之後搭車行返岩岩行過黎搭車條路! 真係好白痴!

傾左D好白痴0既野!
兩雁加油啊!
之後銘蕙打黎...她個樣勁開心喎!
但係打黎同雨雁傾計! 搞到我勁想知咩事....@@
唔執者就會好開心!!!
求學就求學! 現在不想再求甚麼!