里排有人黎搗亂

估計應該係班上某d腦筍未生埋既小朋友

我話你知,你要係度發癲即管癲

連名都唔敢開睇你好打極有限

很好,本29既日誌並不會因為一兩條小朋友而被阻礙

話說今日放學返屋企既時候

本來雄心壯志,諗住打一陣機之後夜晚衝聽日既測驗

點知當我成功地開左鐵閘,諗住開埋木門既時候

條鎖匙忽然卡一聲頂住左

我就掹返出黎

再插過

都係唔得

係里個時候我講左一句:芝麻開門!

度門竟然開到!

之後就入去打機喇...........

傻啦

你係度試左6分鍾之後

就死死氣咁去呀嫲度喇

之後爺爺過黎幫手

但係開極都仲係唔得

咁搞到6點半

呀爸返左黎

孻叔都黎幫手

里個時候,孻叔忽然拎出一張硬卡紙

就打開左度門

點打開?緊係唔講啦

自此之後,我地一家應該可以轉行爆格!

今朝好易就起身

４點

起身做咩？

緊係睇波啦

４點起身，開機

睇．．．．．．．．．．．．

晒左我兩個鍾結果係０比０

屌你

今晚再起身睇過

皇馬對利記！

定利記對皇馬？

之後返學

唔知係咪４點起身既關係，個人好精神

經過咁多堂既折磨之後

終於放學啦！

但係由於本２９既日文仲未交

恐防會比謝老師吊

所以好乖咁係樓下做，仲要ｘ２

正當我坐底無幾耐

忽然見到兩條戇鳩仔坐左埋黎

雖然知道佢兩個唔係特登陪我

但係忽然覺得巧撚揀動

就拿拿聲做

做做下發現班女仔係度打羽毛球

小皓子同源哥就飛撲過去打

留返我一個係度

嗚

之後源哥好快就返黎：比梁鈞皓霸住黎打呀！

嘿嘿，抵死，我無得打你想有得打？

話咁快就做完日文，叫達達幫我放入去謝老師度

之後就

去打波！

一開波同ａｎｓｏｎ佬打

未ｗａｒｍ　ｕｐ

都係死死下

之後比人拎返走ｄ拍

過多陣同何信焰打

愈打愈ｆｉｔ返

之後終於都有返叫做平時既水準

打左ｎ年之後

源哥返返黎（佢岩岩同達達上電腦室）

之後比佢搶走左塊拍

佢同何信焰打

好奇怪，佢竟然打到何信焰死死下

心有不甘之下就同源哥挑機

過程中，緊係各有秋千啦

打呀打打呀打

打到慾火焚身

望一望錶

哇屌你５點半啦

即返屋企

呼

爽到呢！

話說

今日牛膳期間

我行埋去源哥度

講:我覺得其實唔係神創造人,係寫聖經果個人創造神

里個時候呀maria忽然經過並插咀

一切由里度開始,我地決定用晒成個牛息時間黎討論

討論結果係點?你地問問有份觀戰既人喇

基本上佢完全比我地技術性攻倒

雖然我認為我講野有道理,但係都怕比老師聽到

所以講講下會o殊

佢:你認為自己有道理又怕比人聽到?<<<里句野至少彈左2,3次出黎

我就話:你有道理你又夠唔夠膽去天安門毛澤x像面前鬧佢殺人魔呀?

佢:咁你又敢同我講?

我:因為我覺得你係一個理性既人,會理性討論,唔會中傷我

再討論一論小息就完左

係里次討論入面有意外收穫
就係得知原來達達同我志同道合!

咁上面既只係引子

下面先係主旨

咁生育堂完左之後

大家都聽到鄭老師講既野啦

其實佢係講緊我

咁里個時候我就知道原來有人報串

我眼光自不然掃向maria

之後去問佢,佢答我:你怕咩?有道理就唔怕啦

我又心諗,你里句說話講左咁多次,我又反駁到你無聲出,你都仲可以用里個point黎做理由既?

不過聽聞佢無開到名,咁我都算鳩數lu

課堂總結

在是次事件中

我體會到原來我的一德班是一個如此黑暗的地方

我也學會了慎言

更加學會了真心說話只能向你信任的人說

否則我的背部將有被督的機會。

反正都要講,係度講埋

maria話我好造作同扮野

原因係我同佢講我成日打機

哇大佬

我的的確確係成日打機

你唔信可以問下anson佬

佢識左我6年都有

msn通話記錄9成9都係

我問野

佢答野

我:咁得,88,打機

佢:仆街仔

唔通誠實都有罪?

我係咪應該答我平時一返到屋企就溫書

溫到天荒地暗先滿意?

再唔係就唔好問我

你問我又唔比我講真話

仲有又話我想統治全班之流

哇大佬

我由九月入到黎就係咁既死樣

講野係咁做野係咁對人係咁

到e家都係

何解你唔一早鬧我

要e家先黎鬧呢?

百思不得其解

簡單咁講一下本班既人係咩情況下會憎一個老師

最常見既就係以下一個例子

話說呀A就做錯事

就比老師B發現

咁老師B就話佢

之後同學A就會開始憎佢

仲會反擊

點反擊?不外乎改個老師花名

係背後講壞話

最當面直接勇敢既都只不過係係個老師講錯野既事候細細聲窒佢

都唔算窒,只係恥笑佢既錯處

然後就同人講佢串左老師

真係幾幼稚同無聊下

睇完以上既野之後你會發覺憎一個人既理由原來可以好簡單

亦都明白到我地班某D女仔係幾咁無里頭

比個校慶搞一搞,個生理時鍾好似亂左

話說今朝起身我竟然同呀哥講

『哇頂你仲唔返學,8點幾,遲到啦』

先知原來今日係星期六

今日幾經辛苦唱完

好彩星期一有假,唔係既話一定頂唔順

星期一唔洗返,姐係有得睇米蘭打比

爽!

做人真係好矛盾

因為fm既關係,我又支持祖記

但係因為摩佬既關係,我又想inter拎第一

嗚呀.點算好

都係英超果度好d,一心一意利物浦

有冇人可以答我乜撚野叫做膠神呀？？？？？？？？？

今日要綵排

雖然8點半先要返到去

不過我

好早就起左身

大約係6點幾到啦

就起左身喇

之後

再訓過...................

哈哈,訓多陣之後起身,見先7點幾

就拿拿晒背左首歌佢,遲d合唱要唱

背到咁上下

魚生粥

不過都算啦,返學喇

去到,直踩音樂室

巧那多人喔

坐埋一齊

嘈完一輪吳老師到

又練習一輪

好快就要落去第一次綵排

由於,本身個施琴病左

所以要由另一位補上

但係由於佢平時無份彈我地果首歌

所以上半場時不斷出現蝦6鏡頭

加上d燈光亂咁射

最後吳老師唱到一半忽然叫停,然後向音響組破口大罵

又搞完一輪

放lunch

食完野,2點又要返去

一行入校門口見到倫靜如

撞鬼

再次直踩音樂室

咁老師未黎

開頭又係度嘈嘈嘈

咁忽然間,我地既第二琴手

c朗同學忽然彈,練習

唔知係咪由於佢太靚仔所以好有號召力

d女仔個個都唱

本來我地男仔本著唱黎晒鳩氣既諗法而無唱

但係唔知點解過左一陣就跟住一齊唱

首次係無老師既情況下練習

仲要咁齊咁好聽(for me)

c朗兄真係比個服字你

之後老師黎到,又練練練

落去

里次好好多

雖然企耐d,不過可以睇表演

之後唱歌

無上半場咁多蝦6

之後就閃人

聽日,決勝負!

里個新年,都算係鳩下鳩下就過左

如果唔係我下鳩下咁以為2月2號返學,可能會快樂+充實d

功課方面

以前不嬲都係最尾果日先做

但係因為我鳩下鳩下咁以為2月2號返學

所以2月1號果時差d做晒,係差d

因為做做下比人點醒左

所以返學前一日做先做功課里個傳統無被打破

但係

因為份歷文卷留左係學校(上次又係咁,附帶一提,d slp都係學校,所以要用老哥的,頂)

但係好彩有anson佬幫手,借佢份野比我,我就憑記憶去記下自己錯乜再改

但係今日先記得,份卷要簽名

吊,始終都係要欠

話咁快又要返學喇

同志們!!!!!!!!!!!!!

屌!

從前,有一個戇居仔

里條友戇居到無人有

佢放新年假,但係都唔睇校曆表

一心以為自己知道幾時要返學

佢就以為,2月2號要返學

所以,係2月1號既朝早,里條戇居仔好早起身

7點起身做功課,做到中牛

差唔多做晒功課既時候

佢既呀哥行過,話:哇你咁慘呀,2月2號返學,我早放過你都2月3先返喎

里個時候,里條戇居仔忽然覺得有古怪,就拎下本手冊黎睇

先知,原來2月5號先要返學

晒左咁多時間黎忙做功課

真係名副其實既戇居仔,唔係,應該係戇鳩仔

里條友係邊個?

無錯

就係

我囉屌你

仆街呀,完全唔知2月5號先返,搞到我今朝咁忙清功課

頂!

中文要做報告

咁我就借左小王子黎睇

睇完之後

唔知點解好sad

明明個故事唔係賣感人/慘故事

但係睇完之後有一種難以形容既失落

今朝早晨早流流起左身

大約六點到,係張床度爬起身

做咩?行山喎

起身後的埋上面既呀哥起身

之後去左呀嫲度食碗粥

之後由爺爺嫲嫲帶路

出發

其實都唔算咩行山

只係行彩明宛格黎果座山

一開波上山是最煩的

行樓梯,又斜又長

不過都頂得住

上完樓梯,有馬路行啦

行呀行,行呀行,沿途見到唔少自己未見過既野

行到某一段路見到有個地方有水流出黎

有D C9放D桶係下面裝左成幾大桶拎返屋企

行行下,個肚唔爭氣,竟然肚痛

SHIT,早知唔食野,平時唔食早餐,今日諗住行山要食D,點知一食就肚痛

就係咁,只係行左一個鍾多少少就走佬

功課未撚掂過,ANSON佬幾時比紙我,拎黎救命呀頂