下次再有更新就del左舊既發個新既.......
大家督我錯字既留言都隨住舊既比我del撚晒,你地都係死心把啦
話說係見班主任果日,其實都幾緊張下
我明係廢話,邊個仆街會唔緊張呀
係之前果日我先好忙咁清晒d功課
返到去,小食部已經聚集左好多人
之後跟大隊上左禮堂
入到去開頭都無老師,戇撚鳩鳩咁企係禮堂唔知做乜
前面有堆女仔
之後有唔知邊個老師入左黎先叫我地分班企
原來前面果堆女仔都係里班,不過係乜水就忘記鳥
好快,人群開始聚集
而我都前後被兩名高大威猛既俊男包圍
果時唔知後面果條睇落和藹可親,都幾皮光肉滑既既男仔係東西
排完隊之後中二既10位老師開始係附近遊蕩
果陣時見到關老師等等里d仁慈既都有d扯旗
心諗佢地做班主任就好
但係可惜,係我條隊附近行黎行去既係兩個不知名既老師
之後余柏康係禮堂遲到...............
之後上面up完一大輪就上去課室
入到去課室,要搵位坐,真係有d傍(我唔撚係打錯字!係直程唔識打,吹呀)惶
你知啦,d人一開波就衝晒去坐
岩岩開學識撚新同學咩,如果唔同自己熟人坐埋一齊都幾慘下架嘛
眼尾見到sunny哥,就即刻吊佢尾坐佢格黎
其實我同sunny哥係中一都唔係幾熟,都係里一坐,中二先熟左好多
我唔記得太多野,我剩係知老師打算先開心後悲憤,所以玩完先收功課
雖然係玩,其實都係d on9野
不外乎逼你識下新同學仔咁
咁其實都係咁啦,你都唔知我識唔識佢架啦
搵d中一同學簽完名咪算
不過里班好似無9個1M人
咁咪唯有搵d識識地又唔識既簽
簽完晒之後,我身前有一條友!
里條友on99咁呆左係度四圍轉,話:我搵得3條友渣點算
里個時候何信焰好有氣勢咁話:拎黎比我簽!
里個moment我永世難忘,諗起都想喊
事後先知...........佢就係柯生
之後[錯字]廿[錯字]字過三關,好似一個人我都抽唔中
最on9既自我介紹環節都過埋去
我已經唔記得左邊條柒頭皮話要全年無欠交
相信已經潛左水
之後收功課,男班主任好好人咁話唔識做一D唔緊要
收到一半,門忽然開左,祥哥入左黎
我先醒起!係喎,原來佢都係里班!
祥哥一面瀟灑咁坐係柯生格黎,真是笑死朕
之後收完功課,就散左BAND,下次見面好似已經係開學
里個就係大家既初次邂逅
整體黎講,我都係同果日打既一樣,男既ok,女既收皮未知
有邊個估到,就係里次邂逅,令到之後發生咁多轟轟烈烈,驚天地,泣鬼神,曠古爍今,前無古人,後無來者,念天地之悠悠........既愛情故事呢?
之後開學日,發覺原來除左關老師之外,所有科任老師我都係唔識的!
咁講返對d老師既初次印象啦
day one第一堂就係音樂堂,我好清楚記得當日關老師拎住個二胡入黎串我表演
之後都係講下放假時做過乜鳩,自我介紹,傾下計咁
關老師係一個好老師黎,果時我就相信今年音樂堂會好輕鬆下!
之後就係中文堂
里位女老師一入黎就操一口流利普通話
唔係話陳老師唔流利,不過里位老師係好聽d既
但是要做既竟然係每個同學用pth起身做自我介紹
其實我係覺得幾無聊
果堂除左自我介紹仲做過d咩呢?我忘了,好似係咁上下
里個老師比我既初次印象幾好的!
跟住落黎就係最京京既英文堂
因為新老師,聽講係外國返黎
而且睇個樣好似好惡咁
英文堂,都仲係同anson佬一班,咁都係照舊坐埋一齊,近水樓台嘛,嘿嘿
一入到黎,大大件既mr wan同我地講完第一句good morning已經令我驚驚地
之後佢再講一輪既英文真係令大家好唔慣,我相信
因為真係快,狠,準
正正因為同鬼佬差唔多,所以大家都唔係幾慣
記得初時佢講野好似有d細聲,又好快,有d人直情聽唔到/明佢up乜野
不過原來睇落又唔係幾惡,都好d!
之後既小息,我落左去搵佢同佢報返合唱團,果日係星期四,我用pth同佢講
佢笑住咁話:you are my english class student!
我:今..今..天是pth日嘛
睇落好似幾nice!
跟住係咩堂呢?無錯,係兩堂數學連堂
其實第一堂數學堂做乜春我都唔記得七七八八
剩係知第一個感覺就係林老師好好人
同埋好好蝦.........................
當然本29係唔撚會蝦林老師
聽書都聽撚到我死死下,點蝦姐大佬
當時容浩然坐我前面
當時仲未知佢係數學高手
當林老師教緊令到我仆街仆得好撚犀利既因式分解之時
我聽唔明,督一督佢,問佢你明唔明
佢好撚型咁話:明呀!
我果時仲心諗:真係明,有冇咁撚勁
e家諗返起,真係斬鬼斬鬼
數學堂之後就係歷史堂
里位老師第一堂都無比到咩印象我
我剩係好清楚記得我正正係第一堂歷史就柒左
我記得好似傾傾下,傾到唔知邊度
之後葉老師說:大家知唔知史上邊個係第一個平民皇帝
我懶係勁咁嗌左朱元墇出黎
葉老師報以一個鄙視既眼神
然後話:咩呀!係劉邦呀!
真係柒到想搵個狗窿里埋
lunch.......初時頭兩個月都係落去食
果時有馬嬲,anson佬,培源佬,小淫賊陪
日日lunch都一早衝落去霸位,風雨不改
一路食面一路欣賞馬嬲既食相簡直係享受
同時亦都打消左我以為唔同相就keep唔到友誼既念頭
之後就係兩堂既科學
我都係唔記得左第一堂我諗乜鳩,只係知分組都分得唔錯
同埋我係度思索緊里個黃老師係咪中一時UT監我地科學
之後因為我地既罪名係戇鳩鳩無得救而罰我地留堂果個老師
年代太久遠,諗唔起,不過都無打緊啦,上科學堂都幾開心
如果唔再叫我麥浚龍既話
雖然里個名小學已經比人叫慣
不過.......我都係鍾意鄭春撚多d(好似係)
之後day2既專研,好似係上專研先,不過唔理啦,唔跟次序喇
專研其實比我既感覺
一黎就煩啦,由細到大都唔鍾意做project
一黎懶
二黎都係懶
不過里個李[錯字]彥[錯字]明老師又幾生鬼幾抵死
但係都係果句,我極度討厭專研,
專研,我恨你,令我每次day 2都sad撚到仆街
唉
家政
都係鄺老師教,不過今年推行新政,半英半中
其實根本就8成都係中
怒我直言,我覺得鄺老師係家政方面既英文都不太好
算鳩數啦,反正都係煮野,design姐!
細個好鍾意畫畫,不過只限於模仿,姐係你畫撚好晒,比我望住黎copy
要自己諗,自己做真係食撚屎
不過我家政又未至於食撚屎
總知食撚左一半又食唔晒啦
普通話!謝老師為人十分好
但是果然第一堂又是要鞏固聲韻母
真係煩到仆街的事黎
猶想起上年中一..............
唉!
慶幸今年唔係wsh教
唔係的話我一定剖腹自慰盡
英會!上學期係跟菲臘鄧尼叔叔
其實頭幾堂都幾撚悶,仲要比某d人夾住,嘈撚住晒
反而係就黎落堂玩果d game真係令叔叔最感興趣既
聽說鄧尼先生發脾氣時好撚勁,好彩我地班未試過激撚到佢出煙
下學期既板凳先生
都ok,外國人+校外老師可能真係真得d
好似..........
始終我都受感染,係堂上幾次唔撚要面,厚面皮既演出
是撚旦旦啦,人不瘋狂枉少年喎(好似係)
體育!!!!!
食撚屎啦!
自從做左個濕鳩全方位之後,次次pe堂都要戴住個章
廢時比廖b見到會過黎問我做乜鳩唔戴
比佢望住個感覺又好撚淆
總知如果pe唔係廖b教/我唔係全方位既話,都會幾撚爽
但係可惜,pe就係廖b教同我就係全方位
唉
日文!
一定係謝老師教架啦!
但係好似係人都feel到
今年既謝老師無上年咁強攻擊力
就算無帶書 ,都係話兩句就算
有時甚至話都唔話
到底係咩事呢?不過唔緊要啦,唔惡咪仲好!
謝老師唔發惡既話係一個幾好玩既老師
我由中一講到e家
估唔到佢真係會唔發惡!
通識!
都係李老師教!
里科佢教就好喇
講野夠生鬼,
見解真係有料到
不過通識里科都係令我暈陀陀既一科
次次考試都考唔撚好
唔知點解
算!沒關西,我有的是時間
視藝
其實我覺得林老師無咩野
除左敏感左d同脾氣怪左d之外
不過正常啦,藝術家都係有脾氣架嘛
不過好似大家都唔係幾鍾意佢咁
我反而覺得佢幾幽默
日日教里班馬嬲真是會心傷透的,好似對牛畫畫咁
不過沒撚關西啦
我鍾意就得,理撚得你班友點諗姐
最後既電腦
由周老師教,其實我同佢係中一時已經有過4堂既親密接觸
因為果時個興趣班係佢教
份人都幾好,又係唔撚會發嬲同埋ok搞笑既老師黎
本人最鍾意里d老師,最掂係大家都唔撚會鬧里下先好野
當然有機會係因為單雙分開左,沒有fd子先嘈唔到
不過如果對比鄧副校既堂,周老師真係好n部
想像下成堂佢既語氣都係好似港女既飛機場一樣咁平
真係會悶撚死朕架嘛
老老豆豆e家要我諗咩有咩事係值得打,都諗唔到好多
不過都係算啦,我自由發揮算鳩數了
其實係開學頭一個月
正正常常有腦既人都知道里個對老師同某d同學黎講係一個蜜月期
係里一個月內大部份同學都會因為未探清虛實
而戴上一副假面具做人
除左死肥so同蔡頭里d一開學就已經張牙舞爪之外
係里個蜜月期內大家都充分感受到新婚既愉快
無乜人鬧事,無乜人嘈撚住晒
但係........一個月後............
情況竟然無乜點惡化
真係孝感動天
只不過係肥so臭左
蔡頭浮誇左
熊日燊恐怖左
朱哥交功課情況好左
大家既真面目開始上水
只不過里副真面目又唔係咁嚇人
好快就進行左第一次既調位
我被調到最角落頭既位
其實我唔明點解我會坐里個位
高又唔係高
唯一既理由係我太柒老師唔想見到我
咁都算啦,我有自知之明
但係點解全班既男仔都分配到一個女仔
而我只係分到一個睇落和藹可親,都幾皮光肉滑既既男仔
唯一既理由係我太柒老師唔想我嚇親d女仔
不過個男仔睇落唔似d會鬧鳩住晒搞爛gag既人
而且格黎又係我既locker,所以就算鳩數喇
坐下坐下坐耐左
傾下傾下傾多左
東西份人又幾隨和,屌佢幾野都唔會屌返你
加上叔叔對於同姓同性既吸引力
好快就撻著左,仲一發不可收拾
就係咁,中二第一個識既好朋友
同埋直到學期尾我覺得係2R入面唯一可以交心既好朋友
但係都有唔好既地方
因為,數學就係因為同東西傾計而無聽到書
仲因為咁而數學成績大跌
唉!好事,定係壞事呢?
係十月定十一月就係旅行既大日子
一早返到去,上課室,最早好似係我同區生
係課室度唔記得左做咩野,講過d咩都唔記得
剩係記得有班女仔係度玩唔知乜q on9野
其實每次旅行我除左係旅行地點玩開心之外
最enjoy都係坐車果程
次次都要坐窗口位睇風景
無記錯果日我同sunny哥坐
最早既車係我們,爽!!!!!!!!!!!
上車無耐老師定同學已經提議要唱歌
但係去到將軍澳隧道時大家都係大隻講
肯唱既一個都無
羅老師為左帶動氣氛,高歌一曲喜帖街
果一次係第一次聽到羅老師唱歌
真係好鬼死好聽同高key
當羅老師唱完之後無記錯大家仲係唔撚肯唱歌
之後好似去到牛頭角附近既時候,大家先唔知咩事一齊唱歌
唱左好多咩經典金曲
叔叔當然都不遺餘力咁唱
但係唔知點解,叔叔把聲係十分脆弱的
一路鳩嗌左一陣之後就聲沙
連唱d普通歌仔都會走音
所以其實當大家正係度好high咁唱緊獅子山下,分分鍾需要你之類既時候
我係坐左係度睇風景養聲的,哈哈哈
直到就黎到達目的地時
我見把聲都養好左,老師問唱咩歌既時候我問miss law可有聽過air supply乎
miss law話:緊係有啦!air supply咁好聽 etc
仲記得我當時係諗住同liss law唱Lost In Love的
但係好奇怪咁老師竟然唔識唱!
羅老師仲話:你返去聽下all out of love,下次同你唱
里個時候我兩眼發光
心諗有咩air supply既歌我係唔識,係睇下唱唔唱到姐
咁由於當時係車上唱左咁耐歌,我既熱血棒已經儲滿左,就黎爆
於是我就好撚厚面皮咁衝左出去同miss law唱左一首all out of love
好奇怪,無走音!!!!!!!!!!!!!!!!!!!!!
當時唱到中間聽到何信焰叫我起身比佢錄底我既柒樣
但係,酒醉都尚有三分醒
我雖然熱血緊,但係都知道比人擺上fb既後果係好撚嚴重
於是只係坐係頭前無企埋起身
唱完之後,就跌跌撞撞咁返去位到,竟然無人笑柒我
真係好撚感動
好快,就到左目的地
由於係最早到既一班
所以我地肩負起霸位既重任!
由於左邊有大量既小學雞
所以我地衝晒去中間同右邊
搵爐咁
之後等埋其他班到
就開波
由於我係活動期間都係同自己班fd去玩,所以無乜關2R事
直飛到去玩個ON9級會活動果度
真係好撚ON9!
都唔知做乜鳩野係度
咩二人三足,拎手表又拎乜柒又拎物柒
好彩佢地都知自己太on9,玩到一半就唔玩,比我地自由活動
里個先係戲碼來
第一隻game好似係你屋企有幾多人
真係好撚癲大家都,我仲差d跑到仆街
之後玩果個糖痴豆
里個環節係比人拍拖用架囉仆街!
你睇下鄺家祥同係咪容浩然定乜水
兩條友跑到去涼亭果度,再慢慢手拖手行返黎
真係想羨慕死我咩,快撚d行返黎啦,唔洗玩咩我地
結果因為班友成日行去果度咁撚遠,所以玩跑剪揼果隻game
詳情係點唔記得左,只係知玩到咁上下就放我地去買野飲
哇,好撚貴.不過算鳩數啦,黎得旅行預左比你屈錢架啦
買完野飲,飲下飲,飲下咁,我地架車終於到
而我地都係最後一班車離開
走佬時係車上講話上次班會活動搞乜鳩物鳩好
當時叔叔仲好撚興奮咁嗌: 好!
旅行,咁就完左
而我同東西既蜜月期都係岩岩好一個月
因為好多粉皮們因為之前果次調位
調唔到去佢地心目中既靚仔/靚女隔黎
更大可能係妒忌我同東西咁撚幸福
於是日撚日係度提老師夠一個月啦,係時候調位啦
結果老師就好準時咁,係里年入面唯一一次十分準時一個月就調左位
結果我就被逼同東西分開
最好笑係由
－－－－－－－－－－－－
｜里度 ｜
｜ 調去 ｜
｜ 里度｜
－－－－－－－－－－－－
由里個角坐到去果個角
里次老師好似唔係男女男女咁坐
好奇怪我分配到蔡梓浩隔黎坐
---------------------------------------------
補充返d野先
係視藝堂無耐林老師將楊爛彤調左黎我果組
之後蔡頭開始有身理反應堂堂係度搞爛gag
而果陣(其實係到學期尾)係令我覺得十分on9的
我係blog度都好似講過
-----------------------------------------------
咁一開波我都有d抗拒
但係坐耐左又發覺佢唔係好似視藝堂果個蔡梓浩
結果日久生情,又不知不覺咁同佢熟左
好快又到上學期既考試
d成績都ok見得人下,
其實我係派卷之後就大約摸清左到底里班係點同自己係邊度
話說係家長日果日,本29由於係全方位,所以要當值的
但係好彩我只係需要看自己班一個上午
果日有幸比本29親自接待既同學們你地好
當日真係見到好多人老豆老母
亦都有好多家長走黎同我吹水
大家既呀爸呀媽睇落都好識諗,
從言談間我真係覺得某d家長幾識打算咁
我特別佩服/認同蔡梓浩個爸爸,佢d諗法同本29十分接近
不過其實我都明白,係對住外人+家長日里d時候
大家既家長都會同平時變得十分唔同
例同言談唔同左,講出黎既野同平時係屋企對你實行既野唔同
另外講到最似樣就係鄭子睛同佢呀媽
同埋果日最令我覺得唔知點既係司徒呀媽話:你就係鄭浚龍?
當時我心諗我咁出名架咩原來
原來係小學時積落既威名
家長日既完結,亦都代表里個學期差唔多過左一半
好快好快好快
又到左sport day喇!
sport day前都好似好多野搞/傾過
好似有話咩口號,咩班衫,班帽,乜都講過
但係到最尾實行既好似只有一條頭巾
不過沒關西啦,有心就夠啦其撚實
之後係班主任時間又傾果d男女子4x100同4x400接力賽既人選
其實我都預撚左輸,反而係4x400本班有咁撚多長跑好手反而有d發過夢
但係災難好快降臨到我地班,好似正正係sp前幾日
當日好似係day 3
小息後既中文堂,第二個鍾都打撚埋,周老師都入埋課室
但係蔡頭死肥so等人仲係未返黎
過左一陣,先聽到lift聲
蔡頭好似由楊子樂同肥so一齊扶入課室
點知仲要比同老師踼返出去企
當然蔡頭沒有企,只係坐,當時叔叔以為只係普通扭傷之類
但係在sp當日聽講佢就去左打石膏
臨陣折將,凶兆也!
講返sp先,其實本29十分鍾意灣仔個場
最主要原因係-------------------夠遠!
本29十分享受神早流流出門口,成條街都黑黑地又黑唔晒
有d暗黃既街燈照下行去地鐵站果個feel
但係可惜!今年移師將軍澳運動場
所以七點半先出門口,唉,天都光晒啦屌你
行到去運動場,入到去,一野就迷路
搵唔到2R坐邊度囉唔該!
睇張場紙又唔明
之後撞下撞下好似見到唔記得邊條粉腸,先知原來2R坐里個風水靚位
陸陸續續咁,咁多位小朋友都返晒黎
除左蔡梓浩
好似一黎就早會特工隊,有幾隻on9 avatar同靚仔劉翔
不過重點係果個外野黎既交流生,我唔記得左佢叫乜鳩名了
運動會開始鳥,班旗都唔知幾時忽然閃左出黎
一開波就有男子100米初賽
班上好多on9仔都去左召集
我可以對燈火發誓:本人鄭浚龍有戴住條M巾班巾去跑架!
雖然睇落好撚柒
但係一年一度SP,一年一條頭巾,就算真係用過既M巾又何妨?!
理得你係屎片定係岩岩新鮮夢遺完未洗既底褲
我都同你照戴啦!
果然!係戴左里條頭巾之後
叔叔如有神助,以9秒9既速度比人FOUL左出局
印象中SUNNY哥東西楊子鱷同梁偉堅都有戴
我真係好撚感動,好想強吻佢地
而當我跑完之後
發覺係無野做,就上返去搖旗鳩喊
而其怪地其實看台上面自己班既人小得可憐
搞到我再搖落去都好似一條傻仔咁
只好收皮,係度睇下有冇女睇算
正當我睇到出晒神既時候,忽然見到沙池果度已經有好多人聚集緊
屌你老味都聽唔到通知既,只好衝落去
好彩都仲有得跳
正當我第一跳既時候,我聽到看台上既MISS LAW:鄭浚龍呀!大家幫佢打氣!
聽到里個咁激動人心既鼓勵,我馬上爆SEED
以全速起動
唔再係9秒9,係9秒69,以保特既速度衝向沙池
踩界....
我都唔敢望上去睇下看台上既人係咩反應喇
死死氣咁爬返上看台,都就黎開飯
到底果日到底有d咩值得傾既野呢?我都唔記得了
只係記得果日lunch之後去左副場練跑,結果比廖b鬧
最後仲要見何文俊添
不過都唔撚理,第日都係咁
不過第二日個運動場好耐都未開
係出面呆等好耐先有得入
黎遠望見個交流生
之後聽到正料!
相信好多人都知,不過實在太柒,我都係要講一次
話說梁偉堅黎到運動台門外之後
見到個交流生
於是就厚起面皮,鼓起勇氣,扯起.......
行去個交流生面前,好勇敢咁同佢講
Can you take a photo with me?
結果個德國人就一副『你邊撚個呀,同我映相』既樣咁望住佢兩三秒
之後就連眼尾都唔望佢一眼咁同第d人傾計
真是柒撚到爆炸!
由於小弟只係報左兩項
而果兩項係尋日已經玩晒
所以我就可以好撚串咁坐係看台睇女睇仔扯班旗
其實我係運動會果幾日都無咩為自己班打氣又盛咁
其實我係身在曹營心在漢
就係男子800米決賽之時雖然我地班派出monkey
但是我一直都係係度支持呀培源佬的
所以當monkey正在衝線之際
我嗌既好似係源哥個名
當大家都望住monkey之時
我仲係目不轉睛咁望住培源兄(係sp既blog打過之後都再次重申,我唔撚係gay的!)
不過monkey奪金,我都開心既
之後既4x100同4x400賽事
男子4x100其實我都預左會輸,因為其他班既陣容實在太強
果然慘敗,不過東西臨尾發撚晒癲咁跑果下真是幾感動
至於女子4x100,其實.......我係無乜點關心的,到佢地跑到第二棒我先知原來已經跑緊
而且好似跑到第3棒我先知原來我地班帶緊頭
果陣時身邊既女仔已經係度發晒癲咁嗌
去到衝線果一刻我做緊咩呢?唔記得左鳥
至於4x400我都係要好斬鬼咁講一句
其實我當時又係手指拗未拗返入的
加上敝班頭幾棒已經落後左
所以去到中後期我只係留意住二智同二體
亦都係因為里個原因,令到我地班輸左(好似係)
我相信如果當時我留意住既係我地班,我地班嬴撚左好多啦!(又好似係)
對唔住大家,唔好怪我
始終當時仲未有咁大歸屬感
同埋果陣時培源佬係體嘛,無撚計啦!
陸完運之後好似就係行山.......
雖則行山d野係里個blog度好詳細咁打過晒
其實我係可以copy返佢黎里度的
但係為表誠意
我會對住佢一隻一字隻字咁抄返落黎
係咪好有誠意呢?!
當然我唔會咁狗
不過其實我覺得當日打既已經好夠,但係又恐防大家會怒屌我敷衍你地
所以再係事隔咁耐後打出黎,只要大家唔睇返果日果篇,會覺得ok既
其實係十一月果次旅行,搭車閃人時mr lam都好似講過話遲d帶我地去行山
果時叔叔都好興奮咁話去,但係估唔到會係真架姐
係揀行山地點果時其實叔叔係一心行蚺蛇尖的
因為聽呀哥講好似好撚刺激
但係可惜最尾唔知點解會變左獅子山,好似係有d人話諗住可以係果度bbq之類
kai 玩 xiao!
其實當時我都有d怕當日只有小雞三四隻去
但係去到出去簽手冊時咁撚多人
就抹去左里個念頭
行山之前果日,我好似買左幾包英文字母丸,仲帶左3包餅去(事後發覺係戇鳩行為)
咁係去既當日朝頭早
我就約好左當西,死肥so同天才係地鐵站月台等的
當日去到見到既係東西先,之後同佢等左好耐都唔見其他兩條友
等左好耐忍唔住叫東西上去搵佢地,終於帶住小位小朋友落黎
由於出發時間過早,我地打算過站站落一次車
不過最尾無做到
去到目的地之後,已經見到3個女仔到左
我同東西心諗是咪戇鳩的,咁早到
之後去左行商場,東西買左幾個包
行完一輪見時間差唔多就回去集合地點
見到sunny哥佢地,原來佢地7點9就到
..................真係好戇鳩!
再等左一陣,老師都到埋,9成同學都到左
有一條友遲到,唔記得左乜水,搞到大家久等左好耐
齊人之後!go!出發!
一行23人浩浩蕩蕩行出地鐵站
結果發現原來仲要搭一程車的!
係車上面,樓下有班女仔發癲
其實真是十分羞家的
行車途中發現窗外落住微微細雨
心諗唔好落大雨呀仆街
好彩落車後d雨已經停左
終於到左獅子山下!
真正既出發喇!
開頭行左一段斜路仔,而行里段斜路仔既目的只係去『山腳』
但係都覺得有d喘!
望住眼前好撚長既樓梯,忽然有種想縮沙既感覺
跟住大家一齊映左幅遺照
好喇!衝呀!
一口氣行左幾十級樓梯
之後就開始見攰
但係無可能成左5%都未到就停架嘛是咪先
只好同其他人一齊頂硬上
頂呀頂,頂呀頂,頂到上一個涼亭到
哇屌,可以休息,即時扒撚左係度..................
里次休息話就話十五分鍾,不過都休左幾耐下
之後林老師分發左一d類似偉哥既藥之後,我地就再次上路
休息完過後開頭真係有d精神既
但係行唔夠十分鍾又要開始上梯級
里個時候都開始見真章
一班田徑隊既/打開波既開始拋開後面既人
而一班投機(事隔咁耐我都係要用投機里個詞)既男仔同兩位班主任同女仔就係後面
而叔叔又上追上前面d人
又唔夠氣
於是就卡撚左係中間
唔記得左行左幾撚耐,d路開始變得易行
平平地又平唔晒
里段路真係好好好好好舒服
不過由於前面班仆街係跑住去,所以叔叔只係同佢地有過3,4次接觸,好快又比佢地拋開左
結果就係咁hea下hea下,hea下又hea下
唔知hea到幾時又要再登上石梯既挑戰
真係攰撚到仆街
果陣時真係想跌撚死左佢算
但係我知道咁樣會令全班39個人都好撚傷心(好似係)
所以都係頂硬上
頂到一段路段,就直頭坐埋落黎,行一陣,坐一陣咁
坐坐1發覺一個韓國人好撚辛苦咁上緊黎
同佢吹左兩吹
唉,人地一枝公都行到
我地點可以失禮呢
繼續衝
唔知幾時sunny哥追左上黎
行到最尾100米定點,唔記得左,我又開始見返前面班人
但係好快又比佢地拋開左
自己同區生行左一陣之後,聽到sunny哥既聲:你兩條友快d啦,到喇
聽到里句之後我就好似大力水手食左大力菠菜咁
忽然有一種力量,就衝撚左上山
哇屌!真係到喇!
d辛苦好似唔撚見晒咁
又幾涼爽
等左一陣後面班人都上埋黎
之後就一齊去映相映完再hea多陣就要落山啦!
不過落之前我地由獅尾行左去獅頭附近
有d危險,不過大家都唔撚怕
之後就開始落山
不過落山里段路真係易好多
落到一半順便去望夫石度玩
哇班仆街真係唔驚死架喎
之後就開始落山,好撚輕鬆
最後去左飲茶
好喇,因為之前打過,飛............
打到里度真係覺有d煩,不如唔好回乜鳩憶快d打40條友好過啦對不對
諗落４０條友真係有Ｄ唔識打／唔想打／唔敢打
好撚驚會比人尋仇，所以都是算鳩數把啦
|
