今日好早起身,因為要返學校聽講座,搵ｃａｐｔａｉｎ一齊去,佢好遲先出門,遲左少少,不過開頭都無咩聽,之後都好少聽,其他人都係一樣,可能ｍｉｓｓ講到心淡,好早就走了,ｍｉｓｓ叫我地拎放榜資料,有一本好好睇,個個人都有,哈哈!跟住去ｍ記坐,等阿狗,之後去扒王食飯,有文撚津貼,這次好似我地最後的午餐,個個都ｏｎ９９,特別係文撚,成日講的低能野,笑到傻哂,勁講的低能野,勁笑,好白痴,坐左好耐,好耐,賴死唔走,哈哈!然後埋單,文撚比左$２００,我地話唔使找,個個侍應找$１比文撚,佢話唔係$１０比貼士呀？跟住佢話,你都ｏｎ９架,個個係度笑,勁白痴勁低能呀佢~之後去左ｉ－ｇａｍｅ打機,各自回家,打左一陣機,睇多啦Ａ夢,次次睇到好好笑,好正,好搞鬼,打ｗｉｎｎｉｎｇ９,開頭都好地地,之後同的強隊踢,激到我發嬲,射來射去都唔入波,傳波又唔準,扭又扭唔到,最ｏｎ９就係次次都ｆｏｕｌ,有機會入又ｆｏｕｌ,好難入波,最後唔想玩,成身都係火,所以出去海濱跑步,發洩情緒,跑到盡頭,海水流動,天上星星同白雲向相反方向移動,又有海風,爽呀!海風吹到我一身舒服,好有安全感,受不住引誘竟然訓左一陣,勁白痴勁ｏｎ９呀!望向吐露港上面的住宅,好靚好豪華,每次搭車 跑步望見,我要同自己講大個一定要住豪宅,比屋企人最高的享受,不過要等好耐好耐,我相信'世上無難事,只怕有心人'之後有一班乳臭未乾的ｍｋ潮人,一的人踢波,一的人踏單車仲要播歌,屈機,搞到好多人原本釣魚,談心,睇風景的人都走了,包括我自己,正仆街,好地地無啦啦做咩過黎,好鬼嬲呀!!  仲未發洩完,繼續跑,繼續跑,跑到無氣為止,途中唸下放榜,唸下將來,唸下前途,要為自己好好打算一下了............
努力不懈,成功在望!