中午ｅｒｉｃ話出尖沙咀,有ｓａｌｅ,順道出去買書包,ｅｒｉｃ同肥誠放工後出去,我就搵阿世一齊搭車出去,搭車個時,好大雨,屈機,最慘就係有路人行近馬路被巴士濺到水,弄濕了,笑死我同阿世,真係好慘,唸起都好笑!!阿世真好,買左部新電話,好羡慕呀!!恭喜佢......之後約左係地鐵等,途中好大雨,阿世專登唔帶雨傘,搞到兩個人好ｏｎ９,笑死!係地鐵竟然見到大口姐姐,阿彬哥哥同一個女人,咁都可以見到,真有綠......其後去ｅｒｉｃ想買衫間店鋪,有ｓａｌｅ,但係的衫,鞋只有細碼,佢好失望又好慘,失望而回,今日好大雨,好慘呀,討厭~之後去左一間巴西店鋪食野,好好食,又勁吹水,快的搞我生日呀!!哈哈!跟住搵ｃａｐｔａｉｎ,再去行,途中有人吵架,有人ｘ人老母個老母,個個人又ｘ人老豆個老母,我都未聽過咁鬧人,個時笑死我地,好鬼搞笑,屈機!去左海港城,肥誠係ｂｕｒｂｅｒｒｙ買一支價值＄５５５的香水,誇張~佢傻左呀!!之後去左一間運動店,搵ｍｕ波襪,搵來搵去都無,誰不知阿世見到,佢就買左啦,超開心,多謝阿世,i love u!哈哈!再去玩具反斗城,好大好好玩,我地成班低能仔拿劍,槍係咁玩,超好玩,勁斬肥誠,爽呀!再去鄰近的ｐｓ專門店,有高達模型展覽,又有ｐｓ２,ｐｓｐ試玩,正呀!之後,搭地鐵去旺角,好ＯＮ９又搭去太子,去聯合,ｍ記食野,肥誠突然間問ｅｒｉｃ,''你覺得自己有無機？''ｅｒｉｃ話無,肥誠都係咁講,見佢好傷心~可以同佢升中六,但係追唔到,簡直係無奈,唔知點安慰佢~過去聯合,又係大雨,日又落夜又落,屈機!睇唔岩心水,又去瓊華,又去ｃｈｉ堡,又去潮流特區,都係無,唯有聽日再出去買,費事阻佢地時間,之後陪ｃａｐｔａｉｎ去買多啦Ａ夢公仔書,買左成套,價值一百幾,佢話無錢,唔去我生日,無奈!之後ｅｒｉｃ話去好景,肥誠唔知做咩發脾氣,真奇怪,我地三個好驚,肥誠戴眼鏡一定有事發生,日後小心小心~之後搭２７１回家,回家後,被媽媽罵,好慘呀,由朝出到黑,又無買書包,咁自己又抵比人罵,算啦~今日好累,勁行勁累,好易就訓了,等聽日搵阿世一齊再買過 >.<