一切就咁了..........   我唔會去搵了, 我要重新開始!!!   忘記所以該忘記既野, 輕鬆D去睇lee件事, 咁我就唔會咁辛苦,咁大壓力!!!!!

星期二 (3月13)

今日啊, 唉, 停電>.<! 返學時唯有從27樓行落去地下lo. 行到頭暈暈地,行樓梯時真D怕, 樓梯好靜, 唔知會唔會有壞人lee埋係邊度呢? 一口氣行到地下, 好熱=.=!!!      返到school, 想做電腦功課, 但最後都仲沒諗到做咩好! 之後tutor英文, 講完就同阿Lin, iris, karry一齊去MongKok買Marker, 一盒 $138.6 三人分!!!  買完陪阿Lin去睇 Printer. 我既Printer都壞左呀!!! 

琴日聽珠寶設計時, 個講者話: ‘做珠寶既手腳要乾淨’! 我聽完就係度諗: 咁…係唔係一日要沖幾次涼先乾淨呢? 之後先get到佢指既 ‘乾淨’係咩野!^^ 嘻….!!!  其實無論做咩工都唔可以偷竊啦! 

         今日龍龍金句係 : 黑桔子好味過白瓜子! get唔get到啊?^^   係 (黑爪子好味過白瓜子!) 嘻…..^^!!!

星期日 (3月11日)

明天又係一個新既開始, 應該又要開始做 Research 啦! 有時覺得返學似打仗咁, 只要一開始打仗,就會忙到死, 當打完個場仗時, 就會成身輕鬆晒,但又會因冇野做而覺得悶哦 =0=!  真係累慣了咩?琴日係屋企做英文功課, 今日又有咩做呢 ? 

好想快d放暑假呀, 因為想返鄉下, 想離開下香港. 雖然,我知道返左去一定會掛住lee邊, 但想返去既主要原因係, 當返來香港時,就係我一個新既開始. 所以,我每年既新開始唔係1月1日,而係放完暑假返來個時.係新學期開始個時.

公公張相一直放係我間房度, 個日見到相框有些塵, 就趕緊拿布擦乾淨,好小心咁擦,擦到相框反光啦也!!!亮晒^^  係啊,好耐都唔記得擦公公張相了, 望住佢張遺照, 又諗返以前公公係點樣疼愛我, 真係開心的回憶, 小時既我只知道想吃咩就同公公講, 公公就會買俾我吃,整俾我吃! 媽咪打我時,公公又會護住我! 回想起,都係我太唔聽話,俾咁多麻煩屋企人.    有時諗, 我幾時先唔晒屋企人操心呢? 幾時先長得大呢?  幾時先敢面對一直逃避既野呢? 需要時間嗎? 係1個星期?  1個月?  1年?  還是 10年?

很久沒有再這個舊日記打了, 也許當有一些心事不想身邊同學知道時, 就可以係這裡打上去. 今日係度打2007既第一篇日記, 好, 把心中的一些事就打係lee度啦.  2007,1月1日, 沒出街, 係屋企倒數, 零晨2點到, 接到一年前認識左一日既朋友的SMS, 寫住祝大家2007新年快樂, 唔知佢係特登send俾我, 還是, 只係send俾手機入面所有既人呢 ?   我地係上年前新年期間做partime識既, 只見過一日, 一日而已, 之後大家間中係MSN上傾下解, 間中send 下 SMS, 佢有打過一次電話俾我. 但上年4月之後我地就好似冇再聯絡, 什麼都沒有再聯絡,各自過住自己既生活!!!  今年既1月1日突然接到佢既SMS, 都嚇左一跳! 之後我諗左好耐先回復俾佢, 第二日佢直接打電話來, 當電話響起時, 見到係佢個名, 個一刻, 心情真係唔知點形容. 接起電話, 佢第一句話, 我以為你唔記得我啦! 啊.....我都咁話!!!    我地傾左好耐,覺得好似一下子把成年沒講既野都講晒出來!!!   之後既幾個星期, 我地都有打電話傾下解,突然間又突得大家既距離近左好多, 佢成日話大家得閒時一齊出來吃飯, 但我地都好忙, 我忙返學, 佢忙返工! 1月,我電話超左分鐘, 係第一次超左分鐘!

就這樣, 這個只見過一次,但又識左一年既朋友, 我覺得大家之間忽冷忽熱咁, 依家我地成個月又冇再聯絡了, 也許又會好似之前咁,大家再來一次失去聯絡.  唔係失去聯絡,係大家都唔再聯絡對方!!!  點解我會再意聯唔聯絡?  難道.........      不,不會的, 不會發生再我身上的!!!       累了, 真的累了!!!

星期四   12月7日

今天早上十點返到學校, 但同阿澤 ,海迪佢地係新翼傾解,都過左好耐我地先上124幫手, 我介左好多紙箱,介到隻手指都麻痺左啊 =.=!  做到12點幾就同Karry, iris, 阿man去Canteen吃lunch.  下午上英文堂, 聽到我幾亂, 好怕@@!  上完英文,Photo又唔晒上了, 就同Karry, iris, 阿man去124, 五點去圖書館, 5:30大家上333搵英文Miss, 講左小小text的野之後, 我地就係度傾解, 傾左成個鐘啊. 快7點同Karry, iris, 行去火碳搭KCR go home!  明天唔返學,又有得休息啦   ^^

今日之後,又令我對前途更加迷茫, 因為聽人講係出面公司請人通常唔請IVE的人, 多數請正式大學個D. @@! 真係咁咩?  仲聽講IVE教的野唔好.  聽了這一切之後, 突然間, 我有些擔心, 我是否應該俾D信心IVE ?  是否應該俾D信心這個社會 ?  是否應該俾D信心自己 ?    如果我讀完IVE,再讀完1年學士之後, 會唔會找不到我想要的工作呢?   如果那時找不到工作,我又該何去何從呢?

到那時我已花了五年時間讀設計, 五年時間不算很久,但也是很寶貴的青春啊!  唉, 讀完書,我也老了=.=!  到時再從最低層做起,我不怕辛苦, 不怕工資小, 不怕老板罵, 不怕一切困難, 我會很努力去學, 很努力去聽, 很努力去想, 很努力去做.!!!!!      我要讓別人知道,IVE讀出來的學生,也是不錯的, 我要讓別人知道,IVE讀出來的學生也有才幹 !  我要讓別人知道,IVE讀出來的學生也有’’大長今’’精神 ^^!   不會放棄!!!          其實,我咁算唔算太執著呢?