10月10日  星期一  晴

好煩啊！屋企電腦突然間又上唔到網，仲有電腦功課要做，都唔知點算好。想上網寫日記都唔方便，唯有係屋企電腦用word寫save入磁碟後，再到學校圖書館上網擺上去。雖然寫日記的時間同擺上網上的時間唔同，但都冇辦法了！

聽日係重陽節，學校放假。除做功課都唔知仲有地咩玩，可能都會同媽咪、細佬出街。想約地同學出街，但佢地都各有各精彩！有的返大陸、有的約bf、有的係屋企玩ICQ、MSN、QQ……..

今日星期一，朝早上第一堂健身班。加埋我只有四個女仔去，可能大家一聽到健身就想到六塊腹肌、大隻佬…….. 所以一般女仔都唔會去。但我係度想講：健身還可以令大家keep fit、身體健康的。我就係太缺乏鍛煉，連最輕的舉重都舉唔起。