10月11日 星期二 晴
好多人話我太斯文，太內向。其實我細個時好玩皮，仲有個特別的(嗜好) ——咬人。哈哈……！唔知點解，我細個同其他小朋友玩個陣時，就會忍唔住要咬人地的手，最後搞到的大人見我出來玩個時就趕緊把自己的仔女抱返屋企。哈哈……. 講到我好似惡霸咁！
在幼稚園到小學一年級時我仍然係一個好玩皮、成日被老師、同學向屋企人告狀的小女孩。之後媽咪唔俾我落樓下同其它小朋友玩了，佢話怕我係出邊惹事，又怕別人欺負我，所以從此之後除咗返學，我都只能自己係屋企玩。久而久之，我的性格都漸漸地變得內向、斯文。試想下就算係一匹野馬，如果你關住佢幾年，佢都會變得好溫順啦！哈……！我較少講野，多數係聽人地講，我也都好少會插嘴入去講, 一來覺得唔尊重人，二來係唔知講咩好。所以我係一個幾被動的人，別人問我野時，我先至講！一個人的性格係會隨時間、環境等因素而改變。如果個陣媽咪冇管我太嚴，唔知依家又會係點的一個我呢？
至於斯文，我覺得內向的人都斯文。尤其吃lunch時，同學都話我吃得好斯文，其實我話吃得好慢至真！細個時我吃野就好慢，一碗飯都要吃8、9個字，因為咁屋企人都罵咗我好多次，唉！我唔明吃咁快做咩，又唔趕時間，吃飯對我來講係一種享受，係好enjoy，因為我會慢慢品嘗每一道菜的味道，可以感受到一種幸福的感覺！吃快咗就嘗唔到固中的滋味了。如果我係厨師，我都會希望別人吃我做的每一道送時能够細心品嘗，而不是只為填飽個肚幾大口就吃完佢。
不過我唔想太內向，咁我自己都唔鐘意，太孤僻唔好！之前同學、老師都有話我唔好太內向，我都覺得佢地講得好對，所以我依家都有同同學講多的野、笑多的，合群的，唔好俾人覺得我好酷！總之我會努力，盡量改善唔好的性格，相信有一日我可以更加有自信企出來同大家打招呼啦，哈哈……！
|
