放假啦，好快都要毕业啦 ，真係好唔舍得，唔舍得330，唔舍得你地，唔舍得呢度嘅全部人同埋全部嘅嘢~~~~~~~~~~
仲记得每次我唔开心，一个人哩埋喊嘅时候，都会有你地嘅陪伴，每次都係有你地嘅安慰同开解，我先会可以好快咁开心翻同识谂，fish你每次都会係第一个出去搵我嘅人，ling你係每次都同我讲最多道理嘅一个，vicky你嘅经验每每都会启发我应该点处理我自己嘅感情，娟你虽然好少俾意见但都会係我最唔开心嘅时候安慰我嘅，mo你虽然人仔细细（我指身形）但都识得叫我唔好喊，你地嘅每句话你地嘅一切一切，都好宝贵好令我感动，係真架，好多谢一直以离有你地嘅相陪同鼓励，我先会觉得大学係咁精彩同咁开心架~~~~~~~!!
大学好快就结束啦，虽然大家都会讲以后仲会有大把时间一齐，但毕竟都要离开係度生活咗3年嘅宿舍同校园，点都有些少嘅唔舍得，唔知你地会唔会都有同感呢？真係好想揽住你地大喊一场啊 ，虽然平时我好容易就喊，但今次我谂喊嘅唔会只係我一个，因为我知你地都会好似我一样咁唔舍得大家，好怀念大家係2205同330发生嘅所有事啊：打边炉打足两年，打印打通宵，驳电睇电视剧，齐齐录歌（虽然次次都唔可以全宿舍一齐成功录成一首），一齐连连看，一齐锄大地对付其他人，睇情书跳舞，着唔同嘅服装影相（特别三更半夜），床上夜话……好多好多，真係讲都讲唔晒咁多，呢一切一切我都会记得，因为呢d係属于大家嘅回忆！！
时光可变，世界可变，人情亦许多都变迁，友共情不变，那种真找不到缺点，你我再次相见，随年和月，身心虽耗损，友共情从难扭转，心内那热暖，仍是纯真未变~~~~~~~~~~~~~