ECA宣傳..

尋晚玩到１點９先瞓，
今朝好慘﹏個鬧鐘無啦啦唔識響，
搞到我成７點先起身，
但係我平時６點３起身架∼
不過好彩都唔會遲到．．

番到學校仲搞笑，我經過３Ｂ門口，
但係我冇入去，仲走左３Ｄ班房，
入埋去，佢地個個都望住我，
我先覺得睇下個班房原來係４０４．．
唉﹏點解我會行左去３Ｄ架？！
真係傻傻地呀＞ｖ＜

跟住就係咁傾計啦﹏
傾到８點２７分，
又要番過去３Ｂ．．．
點解我唔係３Ｄ呀？！＞﹏＜

坐低左都唔夠１５分鐘，
「芷嬈」就叫左我落去Ｈａｌｌ，
係喎﹏下面得番曉君１個．．
我以為高ｆｏｒｍ會有人添！

落到Ｈａｌｌ就係咁宣傳啦，
但係唔係幾識ｄ高ｆｏｒｍ嘛﹏
所以都唔係太積極　＝．＝
真係對唔住Ｍｓ　Ｃｈｕ喇∼

我記得好似係Ｆ．４完左之後，
喺我前面有舊垃圾喎∼
跟住ＳＫ就講左唔知咩啦，
都係類似叫人執左佢咁．．．
但係過左幾秒都冇人理佢，
咁我就惟有出去執左佢喇！！
跟住佢仲要笑得好「燦爛」　＝ｖ＝

之後Ｆ．３落黎，
即刻醒晒﹏因為３Ｂ俾ＳＫ鬧，
突然覺得自己好好彩，
唔洗排喺３Ｂ條隊入面．．
好似好衰咁添﹏自己班俾人鬧都仲咁開心！
唔可以咁架嘛．．．
但係ＳＫ真係好好笑，
佢既１句「痛心疾首」．．
真係笑到趴喺度呀＞ｖ＜

好啦﹏Ｆ．３完左之後，
又有舊垃圾喺地下喎．．．
都唔知點解咁岩既，次次都喺我前面，
唉﹏既然之前都豁左出去喇，
咁今次又係我執左佢　＝．＝

跟住ＳＫ就走埋黎問我野﹏
ＳＫ：你係咩班架？？
我：ＵＭ﹏我係３Ｂ既．．
ＳＫ：哦．．即係頭先俾我鬧完果班啦！
我：唔．．係呀．．係呀．．
ＳＫ：咁你叫咩名？？
我：我叫黃海霖　＝ｖ＝
ＳＫ：哦﹏你好乖喎！！
我：下．．哦．．多謝∼

從以上既對話睇到，
原來執垃圾就係好乖架喇！！
不過都好彩，佢冇話我，
仲讚我添∼真係不幸中之萬幸呀　＝ｖ＝
之後Ｆ．１同Ｆ．２都落埋黎喇∼
今日既ＥＣＡ宣傳就咁就完左ｌｕ﹏

有幾樣野想講下﹏係關於呢個宣傳日既．．
第１樣就係我隔離果個ＤＴ Ｓｏｃｉｅｔｙ，
就係有個叫做歐進昇既人喺度，
佢簡直就係搶晒我地ｄ生意！
好似人地ｄ好煩既ｓａｌｅｓ咁，
又講勁多野喎﹏又話人地其他ｃｌｕｂ係廢既．．
有冇搞錯呀？！咁樣話人地．．
第２樣就係中樂團既聲量太大喇！　＝ｖ＝
我根本就聽唔到自己講咩，
連同人地講野都要勁大聲咁．．
下次可唔可以將音量收細少少呢？！

之後就上番去４０２啦﹏
原來已經派左ｌｏｃｋｅｒ同選左班長．．
我個ｌｏｃｋｅｒ喺出面，
係４Ｄ０１，都唔錯呀！
而班長就係安榆同溫諾．．
都幾好咁啦﹏不過黃世聰輸左我好傷心　＞．＜

跟住搵番曉君，要落去練下份稿．．
而家都冇之前咁驚．．．
總之就希望聽日唔會講錯野就得啦！！
跟住又要再整埋ｄ野．．
但係都唔係我地２個整既，
係Ｃｏｏｋｉｅ整既﹏哈哈＞ｖ＜
唔該晒你呀！跟住就走喇∼

番到屋企就食野啦﹏
食完就要包書．．未包晒就開電腦！
哈哈﹏今日我自己整個Ｘａｎｇａ呀∼
冇Ｙｏｙｏ幫手架．．ＸＤＤ"""
進度都唔錯既﹏不過整得多Ｘａｎｇａ呢∼
就好想轉用Ｘａｎｇａ喇！！
但係我又想個Ｑｏｏｚａ有多ｄ人喎．．
咁點算好呢？！