嘩嘩嘩.....我有史以離最開心既一夜,一日,什至呢一年,係我禁大個女覺得最滿足最開心既一晚.....尋晚我收到拍廣告既日文James哥哥電話,佢話有個導演想送部鋼琴比我呀!!哈哈...我一聽到呢個消息比中六合彩更加開心,因為有部鋼琴一直都係我既願望,依家終於比我夢想成真喇!!

個個導演叫做黃精甫,係拍"阿嫂"同"江湖"既導演呀!!!雖然我從未見過佢,佢都未見過我,但佢真係好好人呀,,,佢有部鋼琴唔係成日彈,佢又聽James哥哥同欣欣講我好鐘意彈琴,所以....哈哈....佢即刻送比我....而且今日我就收到tim

我覺得寶雯既人生開始轉變喇....自從有左呢個病,是福是禍?其實唔係我想像之中禁慘,我身邊真係有好多好錫我同好關心我既人,佢地個個都係我既守護神...我比其他人都好lucky...只係我要過住唔同一般人既生活.....依家..我已經好滿足喇...可以我識到一班好朋友,仲有一班好導演.....

我真係唔知點樣報答佢地....唯有就係我要更加努力做好我自己,乖乖地啦~~