花心,的定義是什麼?是見一個愛一個的意思嗎?

尋晚,發生左有史以來最嚴重的事!!

我同家俊...差0.01%就救唔番,大家分開了......

因為...我對唔住佢....我背住佢做左好多對唔住佢既事,而尋晚佢一一發現曬....

尋日,佢接我出院,番到離,出埋去食完飯番離,都無事,係嘜事都無!!點知到到12點,佢同細佬打完機就番離睇我玩功夫,我係裡面同"然"講.."我好唔開心呀!我的情人爸爸死了".....其實...點解我會講係情人呢?真係唔明自己做咩禁蠢?其實佢根本唔係我情人,只係我自己當佢係....我同佢無拍過拖...只係之前對佢有些少好感,但現在係完全都無!!我講了大話....結果....

家俊看見了那番說話....緊係大發雷霆,好嬲好嬲啦!!佢仲想即刻執野走....但比我留住....之後大家開始吵架...佢話對我完完全全無曬信心,仲點信我?一次又一次都係咁...我上星期又做錯野,又係差點又救唔番,因為我同game裡面的人傾電話,有男有女...佢又係發現了....結果係醫院度好嬲就走左....個次我喊到係醫院自己走左落街,差d就忍唔住...@@"好在...家俊都比多一次機會我..

尋晚佢就係發現我話david係我情人,但事實真係真係唔係咁樣,我同佢根本無開始過,手都無掂過,嘴都無錫過,更加床都無上過....但家俊佢唔信我,...我只係同david出過一次街,佢車我去天馬纜行,之後係天后食飯...就係禁簡單,大家都好規矩....

點解家俊會禁嬲,係因為我一直都呃緊佢,david係拍廣告個時保母車的司機,我承認我係對佢有好感,但....慢慢已經知道只係對佢有朋友的好感,而唔係愛情個隻....之後我都好耐無搵過佢,係最近佢打比我話我知爸爸走左....

係吵架的途中,我喊到嘜都流曬出離...家俊就只係企係房門口...好嬲既樣,我想捉住佢隻手,佢就話"你唔好掂我"..我喊,佢又話"收聲呀"我只有無聲勁喊.....我知我真係做得好錯好錯...但我真係無同佢做過咩野,只有食飯咋....個刻我真係唔知點先可以令家俊相信我!!

點解...我拍緊拖都仲同其他男人來往?我已經有了家俊了...仲唔滿足?家俊又唔係對我唔好?但我仲求什麼呢?我仲想選擇,我真係唔知我會會同家俊可以開花結果,我無信心...我接近好多好多男人,好想每個試一試....我有錯嗎?這叫唔專一?花心?定還是我的性格?我真係唔識分咩係好感....唔知點解同一d男仔講多兩句就對佢地產生好強烈的感覺...我唔知個種感覺係咩?你鐘意同佢一齊傾計一齊玩的...

尋晚...大家都好傷心...家俊隻眼紅曬...佢要我一五一十講曬所以野比佢知,我求佢原諒我.....佢都係話"點原諒你呀?依家係你出去同第2個男人一齊呀!我點知你地做過d咩呀?我諗都唔知,總之我就唔信你....如果你可以咁做,我都可以去搵第個女仔出街食飯講電話啦!"我個時真係唔知講咩好,因為我知自己做錯野,只有喊....希望家俊見到我喊得禁淒涼就會心軟.....

到到2點幾....我再一次要求家俊比多次機會我...佢都係話"要我比多幾多次機會你?"我就好淒涼喊住話,"最後一次呀最後一次...真係最後一次"佢話..."真係最後一次呀嗎?如果再有下一次,我地真係分手..."之後....講完呢句,我仲喊得淒涼,我孚驚家俊唔再理我,唔再相信我....

最後,佢攬住我...好溫柔咁講...."我一開始都講過,我已經簡定係你,唔會再簡第2個...我講過話會娶你番離,我會同你一生一世架...."我聽到...我係佢既溫暖中,更加感動...更加感動咁喊....

家俊...我應承你...我唔會再搵第2個,唔會再諗第2個架喇...你信我!!!