今朝11:00就起身，真係好瞓^^.......

之後一直留係屋企，冇出過街......(連飯錢都省回)

係度同人MSN，打機......就咁玩到3:30......

4:00番小學...等左好耐，終於等到顏老師。

之後顏老師請食M記，係度一邊食一邊傾，講番我地6F呢班惡劣學生......

其間見到鍾汶耀，謝紀發，同埋其他人......

周友輝依然咁害羞...(其他同學既野不方便講)...

顏老師話謝先生同E班葉先生佢地番黎搵d老師傾計，點知比鄧主任知，即刻係咁駡，駡到佢地走為止......

駡佢地既對話係咁:仲咩唔著校服呀!(仲有野講)(佢地當時著便服同踢﹝tall﹞我都唔明佢既，唔著校服犯法既咩?駛唔駛咩都就佢呀?)

但相反，係上午校既學生(如果唔計全日制既話)著得超污穢，但鄧主任竟然好熱情，賤到爆囉!(為下午校而不平)

學校好賤囉!而家連小學老師都有好慘既遭遇，顏老師佢地教得咁好，都只係教每級最差個班，仲要今年比學校炒......

好彩顏老師搵到間近佢好多既中學，而且卍慈都唔係好掂，而家小一都只係得一班，肯定就黎唔掂!!!

顏老師被炒都可能係一件好事......

而且，有好多之前係下午校既學生都係有唔好既對待，真係覺得佢地可憐(我細佬9月就5年級，真擔心佢既處境)......

仲有呀!我都唔明既，畢業生佢都管，人地等卍慈D人都唔俾，聽講我地都係黎自卍慈，而且我地係有人權。

我唔信咁都係犯法囉!仲有一點就係雙方都願意一齊，一齊放學係唔係唔得先，如果係咁，佢都唔好同人一齊放工呀!我唔信佢以後都唔會。

而且，顏老師話，事後竟然要佢call番個畢業生，叫佢唔好約卍慈d學生，同埋唔好係學校門口，真係賤。個鄧主任仲要好清楚講明係我個班6F d人做既，聽佢咁講即係睇死我地6F la!正渾蛋，娘娘腔，臭婆娘~有種就講6F係垃圾，聽講係佢地見咁多班先唔分喎，錯都係你地卍慈。賤人!

係佢呢種人先會歧視我地呢d人，哼!唔通F就係唔好呀!聽講我地都有人可以讀百周年，劉金龍喎，你明顯係睇唔起我地la!衰神~賤精~

我真係唔驚佢呀!佢知道呢個日記既內容仲好，唔駛花時間再去駡佢，佢咁得閒管我地，不如做好間卍慈，睇佢咁殘唔怪得一年級只係得一班la!抵佢死!真係影衰我地d畢業生。我地個時一年級，上下午校總共都有6班la!