尋日去完度假屋返黎
但係因為本人完全進入昏睡狀態
只好今日先打日記~
我失蹤o左兩日大家有冇掛住我呢??(眾人心想:你有失蹤到咩???冇留意喎~~)
都係講番呢兩日ge野先~
團前日因為仲要補課，但係佢地又約o左係2點半係東涌等，鏵鏵就話等我到3點先一齊入去塘福，真係貼心ar佢~~(但係我諗佢係驚我唔知轉o左去邊.......)
呢個係兩個月之前已經約定好ge度假團本身只有10個年齡由15至27歲ge後生仔女，不過後來唔知邊個咁抵死爆o左出去，跟住就有三師奶加上兩個8,9歲ge細路夾硬join o左入黎~呢個就係一切麻煩ge開始(據說ar鏵知道呢件事時激到想死......)
當我見到ar鏵時,就見佢好似打完仗咁ge樣...
事源佢屋企朝早洗衣機爆喉,成間屋變水池搞o左成朝，然後o係我未到ge時候，ar鏵同芬姐(其中一個師奶)就去東涌買野,佢地就咁兩個人拎哂所有野去同另外ge人會合,點知原來霞姨佢地早就到o左東涌,但係佢地走o左去食野都唔幫ar鏵佢地拎野,仲話佢地買咁少燒烤叉好鬼孤寒，激到佢地面黑黑.........唉....師奶~
我同ar鏵o係巴士搖o左半粒鐘入到塘福就同其他人到沙灘玩住先~d師奶就只係坐o係一邊傾計........
大熱天有海水浸住d手手腳腳好正ar~~~成班友都玩到傻哂，而智偉因為得佢一個男仔,俾人玩得最慘....
玩到6點幾我地就一路燒烤，一路等ar鋒同ar鈴放工黎到拎渡假屋鎖匙
芬姐為我地準備o左好多野食,gd!!!!~~~
呢個就係有ar媽級人馬係度ge好處~
然後拎到屋後,我地就拎d野上去
間屋有千幾尺,三間房,5張雙人床,都幾乾淨,仲有廚房,浴室,成個屋企咁
ar鈴黎到就整o左朱古力香蕉去燒~做法就係用刀介開一邊香蕉皮,然後放d牛奶朱古力落去,再包錫紙拎去燒~
真係超gd ar~~ar鈴仲好認真咁話係法國甜品黎,不過係咩都冇所謂la~~好食就得~30號果晚可以ge話,我都想整ar~~
食完野我地就o係屋裏面玩,d懲罰除o左飲酒之外仲有d比較變態,例如錫一口啖ar,食哂成包大薯片.....就咁我地一晚就清o左7,8枝ice,一d啤酒同一大枝香檳......
去到四點幾,大家都已經想訓,點知其中一間房同另外一間房ge一個床位已經俾班師奶同細路佔o左~智偉最舒服,可以同個細路訓,ar鋒就慘d,要訓廳.....跟住我地7個女仔,得兩張床,點訓??慧君見到電視播小寶與康熙就話唔訓,我地就三個訓一張床......
原本我都好眼訓,但係隔離ge佩如係咁擠過黎~我又飲o左兩枝幾ge酒熱熱地....所以完全訓唔著~到6 點幾就起o左身食野~佢地就訓到9 點幾先醒..........期間~我只好同ar君同班細路玩~~
智偉要同讀酒店ge人唔知做d咩,所以佢早走~之後我地食完野玩多一陣,我同佩如都要一齊早走,佢地就去沙灘玩~
搭車返黎時發現o左佩如呢個傻妹漏o左果錢包係ar鏵個袋度,我就只好俾o左18蚊佢搭車返去寶琳~
我中途去o左又一城ge超市,page one同bgw行o左一陣
返到去我就洗白白,訓完一個鐘就出去補習la~
|
