今日接近收工o個陣見到有兩個人起舖頭出面向我揮手,開頭我都冇知咩事,跟住睇到有個人個樣好似金魚。我望真D,原來佢真係金魚,佢隔離o個個人係兆蚊(我認唔出係佢lo...   ~.~)。金魚問我佢個頭得唔得,其實我覺得佢個頭都唔錯呀,得意o既人配番得意o既look,都幾好呀~~~

  下奏落去踢波好唔開心,第一就係冇人踢波,又冇人排球;兆蚊,金魚佢地都先後走左,淨番我同埋芬姐佢地起到等。第二就係同人鬧交,我踢踢下波o個陣唔小心踢左個波出去,球速唔快(大約同龜仔爬緊o個陣時o既速度差唔多),岩岩"high"到個細路仔,佢呀媽就係咁鬧,又話「好心你用下個腦la」,又話「有爺生冇乸教」。我係咁鬧番佢,又用粗口形容佢個樣,個氣氛搞到好"薑"。最後算la,同佢講左句"對唔住",點知佢仲得寸進尺,叫我跪低wo,最後費事睬佢,道多次歉就走la,唔想再鬧大件事。

  諗番起,我覺得自己一D都冇做錯,仲做得好好tim,起碼我沉得住氣,冇打個條友先lo,因為o個陣時我真係好"興"。但係換轉個角度諗番,佢o既選擇除左有D過激之外,都叫做正常,佢起碼都有做呀媽o既責任,呢樣亦都令我感到佩服。我都好想有呢種o既感覺,但係我已長大la,唔可能再強求,霸佔呢種感覺。經過呢件事之後,我覺得愈好人就愈容易俾人"蝦",所以唔好做咁純情o既「M佬」好D。我好想身邊有個女朋友幫我分擔,但係...可能呢個係上天俾我o既挑戰la,同埋希望金魚and兆蚊呢兩個令我畢生難忘o既好朋友能夠協助我成長la...