今日又係一星期一次o既假期呀~~~(好野~~~  =.=) 今朝起身望下隻手,「痴線嫁...」我心諗。隻手生左好多粒野(大約40粒島...),好似俾蚊咬,又好似俾"室"咬,但係又有D似出風疹...唔理佢la,去左太興食野。(同平時一樣,唔講la...)

  返到去屋企就訓左一陣覺...原來中午o個陣訓覺o既感覺都唔錯嫁wo...(唔怪之得兆蚊成日都訓la...   兆蚊唔好鬧我...)跟住去左打波。我覺得自己D反應已經爆哂燈la,邊個射o既波我都可以擋得到...(但係兆蚊上次拋俾我o個球就...食波餅...   好"魚"...)  玩玩下無la la就玩水戰,俾2個女仔圍抽,搞到成身濕哂。都冇機會俾我番身,唔公平呀...(o個2個女仔:去平等機會委員會投訴la...)(設計對白,搞gag之用...)  跟住都冇咩特別la,唔講la。

  聽日就係英文Oral,亦都係會考o既最後一份卷。隨著呢份卷o既完結,亦意味住會考分數已經塵埃落定。我地中五o既同學將會各奔前程,去唔同o既地方繼續我地o既學業,或者出黎闖一番事業。雖然我地目標與理想都唔一樣,但係我深信我地總有一日會起「遙遠的那一日」重聚。