(補番琴日o既日記先...)琴日個心情真係好矛盾,入到去紫荊廳(謝師宴o既場地),見到幾個負責點名o既同學佢地所著o既衫之後,我走番出去場地出面。我覺得自己好醜,高攀唔起佢地,更加唔好講話同佢地一齊影相la... 見到一個又一個同學都著住一件靚靚o既西裝,而我就只係著一件普通o既裇衫,我開始猶疑緊我應唔應該去呢個謝師宴。如果去o既,我好驚會影衰哂我o個班;唔去o既,連車錢都蝕埋...最後,我都係硬住頭皮入左去。

  中間o既野唔講la。就起食食下野o既時候,我見到一個好熟面口o既人。我望真D,原來佢就係移左民年幾o既女同學。計一計,我都有成724日冇見過佢。自從中三完左之後,我都再冇見過佢。諗番起佢走左之後,05年10月中,我無意中起QM網o既相簿裡面發現其中一幅學生會投票o既相中有佢個名同埋一個影到一半o既地址,跟住我先知道佢原來已經移左民la。從此之後o個個月,我都好想諗番起佢個樣,但係隨住時間o既流逝,我愈黎愈唔記得佢個樣,最後我淨係記得佢叫做"曾卓瑩"。

  差唔多完左個謝師宴o個陣,我終於都忍唔住la。「唔好意思,可唔可以一齊影相~???」佢好快就應承左,跟住我地就影左一幅我認為係好珍貴o既相相(網址:http://hk.share.geocities.com/man200207782002/DSC00827.JPG)。因為我明白,如果依家再唔影o既話,將來都冇乜可能會再有呢個機會。影左之後,我問左佢移民左去邊度。佢話佢去左費城,依家返黎渡假,遲D就返去。

  「謝師宴後,每個人都各奔前程。唔知將來會唔會有一日,大家都會帶埋佢o既家庭,一齊回想謝師宴當日,大家難捨難離o既情景~???」呢個問題唔知有冇答案呢~???