今朝早有個電話打黎搵我,一聽到「我係Tracy」o既時候,我即刻醒左,因為我知道自己衰左la。原來個時間表編左我係9點鐘返工,但係我以為好似之前咁,返11點,所以中左招la...最後遲左69分鐘先返到工,少左17蚊...(好慘呀,我連時間表都未識睇就... 唉...)

  放左工之後一陣,金魚同兆蚊都黎左打排球。我都打得唔錯嫁,起碼都set到個波la~~~同左個佢話好想溝我o既人一team,有D"監"尬...(唔記得左個字點寫...),同埋有D強弱懸殊咁lo...跟住走左去打羽毛球(好有"柴"場feel...),兆蚊都過埋黎打。同佢做排球partner就做得多la,羽毛球o既partner都算係第一次。大家都搞左唔少笑話出黎嫁,例如有佢開波開左去後面la,跟住淨係識得笑...(o個陣望住佢個樣真係好好笑...)我玩花式唔知自己"遞"左腳定係"遞"右腳,最後差D仆左落地la...(好"魚"...   =.=)不過都玩得好開心,我諗起呢度都未試過玩得咁開心嫁la。

  最後送左兆蚊返屋企樓下,途中不禁望下佢塊面。佢都幾得意ar,一粒暗瘡仔,幾粒黑頭仔...  送左佢之後,我問左一齊送佢返屋企o既o個個女仔一個問題:「你覺得o個個女仔(兆蚊)點呀~???」佢答:「又蠢又靚。」我即刻笑左出黎,諗諗下,佢個樣又真係好容易令人誤會o既...(唔好話我...)

  好la,講番聽日。聽日就係謝師宴,亦都象徵住我o既學生生涯可能會完結。將來o既事冇人會知,so要抓住依家o既時刻。正如同兆蚊講:「只要盡左力就得la,唔使理會考o既成績係點。」以「行樂須及春」o既原則黎做人la~~~