今日見到金魚好似好唔開心咁,唔知係唔係佢每次放學都見到我而覺得我煩呢...  返到上去圖書館,睇番自己會考個時間表,距離考中史o既時間仲有5日,而我岩岩先開始溫中史,真係諗番起都驚...   =.=(有冇人救救我呀...)

  岩岩諗起蚊個留言,佢話叫我專一D。諗深一層,我除左「佢」之外,其他人都唔會再鍾意。例如嘉慧妹妹同黃楚茵咁,我依家都唔會再鍾意or對佢地有好感,可能係我以前將「好感」,「鍾意」,同埋「愛」呢三樣野撈亂左。以前覺得o個個人得意或者成熟我就會好想佢做我女朋友,但係依家冇左呢種感覺,因為咁樣唔係真正愛一個人。但係同「佢」相處左一排,大家除左一段段美好o既回憶外,我對佢開始有一絲絲o既愛意。可能蚊自己唔察覺,但係呢個就係事實。仲記得有一次我岩岩識「佢」o個陣同埋一班男仔去新都城,佢地話我鍾意佢,我跟住話痴線,但係時至今日,可能係我講錯左。唔通「日久生情」就係咁解~???唔好諗咁多la,留番聽日見到「佢」先再算la。(好努力溫緊書,唔好話我唔溫書呀...   =.=)