今日係會考之前最後一日,雖然會考已經迫到埋黎,但係唔知點解,心情由今朝o既絕望變為依家o既有信心,可能係因為我feel到兩個好朋友(巧欣就唔知la)起我背後打氣,令我明白我唔係「孤身走我路」,沿路有人不停咁鞭策我,令我完成會考。雖然自己升上中六o既機會仲微過李文浩轉死性,但係我今次竟然好著緊呢個會考,希望今次兩份電腦卷都能夠合格la...  不過聽日一諗起6點鐘就要起身就...(zzz~~~)之前本身要5點半起身嫁,不過臨尾改左,真係好多謝話要改時間o個個人,你簡直救左我一命呀~~~  

  仲記得5年前o既我係一個無知o既小子,傻下傻下咁,連本生燈都唔知係咩,仲以為係盞燈o既人,轉眼間已經係一個身經百戰o既「士兵」la,以前所學o既野都要黎一個了結。好o既士兵仲可以黎多兩年,而一D差o既士兵就要被淘汰出黎。唔知我係一個咩o既士兵呢...   唉...我o既前途聽日就要解開la,可以同陪多金魚佢地兩年,定係永遠都唔可以再同佢地做同學~???我唔知,亦都唔想知,因為我知道自己一定承受唔到咁大o既壓力,今次唯有等上天決定...