今日o既心情...唔知點講。我見到「佢」就忍唔住起度笑,但係佢淨係望下我,笑都冇笑過。咁岩同個員工有D野爭執緊,搞到我黑哂塊面。(其實又唔係黑哂o既,只係唔笑咁o者...)   隔左一陣,佢起個門口行番入黎。開頭我都唔係好覺,佢突然望住我笑,我先知道o個人係佢黎,最後我都同番佢笑。

  放左工之後,我突然知道佢屋企有D事,所以同左佢一齊放工。起個休息室度,我見到佢輕輕咁拍住另外一個男仔o既頭,我冇哂反應。好明顯,佢個心根本唔起我度,我只係佢地o既第三者。   「點解我會做左佢地o既第三者~???」「我o既重要性竟然唔及o個個人~???」   呢一仗我輸得徹徹底底,但係我仲想知o既,就係佢有男朋友,點解仲要對我咁好~???

  唔知道佢依家起邊度呢...唔知道佢知唔知道我一直都起度諗緊佢~???我個腦海不停咁回憶住佢輕輕咁拍o個個男仔o個陣時o既情景,同埋身邊o既人所講o既野。唔通我真係要做番以前o既自己~???

  岩岩send左個短訊俾佢,但係佢冇覆到我,咁係咪意味住我已經係多餘呢~???連一個回覆俾message都冇,我係咪真真正正咁退出呢~???如果我係退出o既,咁我聽日又使唔使去搵佢~???

  諗諗下,如果係o既,我不如辭職唔做,「急流勇退」算la。又可以令我死心,佢又可以唔使再見到我,咁樣對雙方都有益。但係我知道呢個係我一時衝動o既想法,不過...呢個方法都唔錯。

  呢一刻,佢終於回覆番message俾我,但係我o既心情反而更低落,因為個message只係得一個字。我想send番個message俾佢,但係...經過今日之後,我知道自己係唔重要...我刪除左我打o既message,並且不斷咁起度反思:「搞成咁,係咪我o既錯黎~???」「我係咪有野做得唔好~???」  或者,「反思」係我安慰自己o既一種途徑la...