今日o既心情真係好難以形容,因為我第一次同「佢」咁近接觸,亦估唔到可以增長得咁快。

  經理叫我下奏去返工,但係返到去之後,原來係開員工大會(即係開party la...   =.=)。食食下野o既時候,我忍唔住要出去幫一幫手執盤。「佢」跟住出黎開工,真係估唔到佢今日要返工,但係都冇咩野o既,有時望下佢lo...   跟住我搵左個機會去同佢傾計,唔知點解愈黎愈好傾,一望住佢甚至有一種好想笑o既感覺,o個種笑係發至內心o既笑。佢食野o個陣,我同佢講:「睇下可唔可以同你一齊食野...」,佢望住我微笑。雖然最後都唔可以一齊食,但係我已經覺得好開心la...

  佢出番黎一陣,我俾左個牌佢,叫佢幫我擺去張枱度(有禮貌o個隻),佢話:「見係你炸...」。之後佢話遲D要考試,冇乜時間見到佢。我同佢講:「我咪好耐都見唔到你~???」佢跟住同我講:「你可以打電話比我ma...」   估唔到佢肯俾我打電話俾佢,諗起以前我都只係send個sms俾佢...跟住仲有D野,但係唔記得...

  最後,我想送佢番屋企,但係始終都係冇咁o既勇氣,我起佢身邊逗留左一陣就走左。雖然今日唔可以,但係我深信終有一日可以~~~