今日係星期日,亦都係一星期裡面見到「佢」o既唯一一日。雖然工作係辛苦,但係每當一諗到佢,時間就不其然咁過得好快,而且總覺得唔足夠,好想keep住呢個moment。

  唔知係咪受愛情o既影響,每過一陣我就不自覺咁望下佢,有時佢都會望一望我,但係我就即刻扮哂冇野,當睇唔到...(好似好鹹濕,走去偷窺人...   =.=)   有時我個心不禁好矛盾,明明自己鍾意左人地,但係又驚人地拒絕,又驚人地有男朋友,更加驚佢對我冷淡。「我呢D要擔心o既問題係我自己諗多左,定係正正就係事實~???」一諗起呢D問題,我有D想放手,但係人地話幸福係自己爭取,我再反思著:「佢係咪值得我去追求~???」

  雖然唔知道個結果係點,但係佢係我見過o既咁多女仔之中,最值得我去保護,珍惜。所以無論點樣,我都會盡我o既能力去珍惜佢o既~~~