今日係難得o既日子,自從開左學之後,我就再冇見到「佢」,直到今日,佢一星期唯一需要返工o既一日,我終於都可以再見佢。唔知係咪因為太耐冇見佢,定係已經有感覺,我總覺得佢係最靚o既一個...(唔講la...   =.=)   琴日好煩o個個人今日請左假,靜左好多,又自由左好多,但係冇左佢o既緣故,成日都好忙,都唔知係好事定係壞事...

  算la,都係講番佢...今日佢返到黎換完衫之後,佢俾左件衫我,叫我幫佢勾起佢wo,跟住仲主動問我個袋應該擺起邊度好。雖然只係短短幾句,一個問題,但係對我黎講已經係一個好好o既...(點講呢...即係個心好甜lo...)   唔知當時佢又係點諗o既呢...

  呢幾日都覺得冇咩野好寫,唔知道應唔應該keep住每日寫,定係有事抒發先至寫。如果睇到o既就俾少少意見la,都唔知寫唔寫好...