今日係暑假o既最後一日,亦都可能係我人生中最後一個暑假,但係卻無法去享受埋佢。隨著暑假慢慢步入尾聲,人流亦愈黎愈多,M記迫到水泄不通,見到都唔想做,但係冇辦法la,想搵錢就點都要做,點都唔可以做「蛇王文」la...   不過今日都幾開心,因為我同「o個個人」終於開始左第一步,大家都開始傾下計,睇黎都仲有機會...見到佢隻手唔知點解傷哂,我都上前問下佢,好彩佢都冇咩事o者...(不過佢話自己重傷wo...   =.=)

  今日亦都係一個好特別o既日子。過左今日之後,我唔再係你地o既同學,而係朋友;我都唔會再有咩可能會返黎QM,唔會再成為QMo既同學,將會成為校友而已...睇到同班同學o既blog,話準備定聽日重返QM o既情況,我個心總係酸溜溜。點解個個都可以返到黎,而我又唔得呢...除左怨自己唔夠勤力之外,我又可以怨邊個...隔多十幾分鐘之後,我地「同學」o既關係就永遠都唔會起人生中出現,但係「朋友」o既關係又可以維持幾耐~???

  好la,要補番琴日o既blog la...