岩岩同呀媽鬧左場交。佢次次都係咁,一唔想聽電話就搵個藉口黎逃避,今次仲扮訓教,我收左線之後佢即刻話去沖涼,仲起度鬧我,命令我即刻熜機wo。我起佢沖緊涼o既時候播首"Gloomy Sunday"(聽人講話當唔開心o個陣聽呢首歌會有懾人o既絕望情緒),聽緊o個陣我"may"埋左對眼,靜靜咁諗野。

  「點解我會有一個推卸責任,自我中心o既呀媽嫁...」點解偏偏起我最需要人扶助,心靈最脆弱o既時候再要加多我一腳~???我依家已經冇乜朋友,肯關心我o既已經冇邊個la。而我最想o既係要家庭o既溫暖,個個都幾乎有o既野,我就偏偏得唔到。自我懂事以黎,我最想o既唔係D咩女朋友,而係一個完滿o既家庭,咁我可以連朋友都唔使要,但係連最基本「完滿」o既家庭都冇o既時候,我仲可以奢求D咩~???

  有人話我係自閉,我一直都否認呢樣野,但係到依家我諗我唔認都唔得la。有時D野我唔係唔想講,而係冇人可以講。起唔識F.2 D人之前我唔會講好多野,因為我認為只要有屋企人就得,但係依家就算識左佢地都冇用,因為連最基本o既屋企人都完全唔理最親o既人o既感受,咁簡單o既問題都解決唔到,我仲想要邊個解決~???

  16歲的確正值係起溫室成長o既時間,但係點解個個都起溫室長大o既時候,我就要經歷咁多最難o既決擇~???唔通我真係冇資格享受「蓓蕾」應可以享受o既野~???當真係連朋友,家人,學校都冇o既時候,「蓓蕾」又可以去邊度躲避~???

  滂沱大雨,正是我心裡面o既眼淚,除左起心裡面靜靜咁啜泣之外,我又可以做D乜呢...