唔講唔知,今日原來係7月14...仲以為係7月14號tim...(搞gag...   =.=)今日我個blog亦都係第2666個人睇o既日子(真係好邪...   =.=),重陽節唔知有幾多個人呢...(小心你後面有個影~!!!原來係你呀媽黎o既...   =.=)

  今日返工超忙,除左係星期日之外,仲有o個張coupon累事,搞到好多人黎哂。連續送3次外賣,成日要送5次...走死人咩...不過都好,好過對住o個班客,真係做得死人。  我開始覺得放工o既時間愈黎愈遲,今日又係咁,要去到5點9先至走得。有個仲遲成3個鐘先走得,加加埋埋即係要做11個鐘,經理都係做10個鐘之ma,佢就...真係慘...    =.=

  仲有呀,今日有個客漏低左包白飯魚,梗係收埋佢,留番今晚食la~~~不過就硬左少少,都算la,好過冇得食la...