我諗我係呢度都係會打好多無聊野....哈哈....
因為貪呢度無乜人睇嘛....
今日執野....執左d髮泥盒出黎...
我會儲低髮泥盒....因為佢地好香....
d髮泥味道其實有唔同時段ge回憶
果2盒gaysby就有我同你ge回憶...
呢一年入面腦海都充滿左你
9月之後偶而都會諗起你..除左有2,3個月...-0-
雖然同你相處只有短短半年...
但你比我ge回憶一d都唔少
- 記得3月9第一日識你, 你媽媽仲睇獎門人笑到肚痛
- 記得3月11日一齊左....過程非常無謂..求其
- 記得紫菜呢個名點黎
- 記得3月14第一次見你
- 記得第一次錫你..你同我都笑左
- 記得第一次係牛頭角下村8座lift口等你仲比你呀公影左我相..
- 記得同你行ge第一個地方係旺中
- 記得第一次送花比你, 雖然係假ge, 而且只值$20, 但你好珍惜佢
- 記得第一次同你食許留山...喪食食左$8x
- 記得3月15同你睇ge第一套戲係"我的最愛"
- 記得専屬對方ge鈴聲係"我的最愛"
- 記得你好中意hellokitty
- 記得有一晚傾傾下電話我瞓着左, 點知你打黎手提, 結果電話一響我就醒左...
- 記得第一次同你班fd係apm唱k, 仲向媽媽講左個好大ge大話, 我早左15mins走, 你好唔開心, 我因為你ge唔開心而第一次為你流眼淚, 由果次開始..我為你講左好多大話
- 記得你第一次黎睇我打學界vs伍若瑜, 好緊張, 輸左
- 記得你第二次黎睇, 你同婷係klb飛的去荃灣西約睇,你匿埋睇因為怕我會緊張, 最終輸左, 我同yuki, amanda攬住一齊喊, 但你就入左廁所為我喊
- 記得3月20第一次同gf去op就係同你去, 比你硬捉上海盗船
- 記得第一次真係o係你面前喊左出黎, 你為我心痛
- 記得因為我同你ge一張相而比媽媽知道左呢個半年ge秘密
- 記得第一次上對方屋企
- 記得第一次同你一齊上yuki屋企, 玩大富翁
- 記得我地成日玩籃球機, 每次我破自己紀錄都有你係我身邊一齊玩, 到e+我都破唔到
- 記得第一次同你打籃球, 你射波我補籃, 你入左果陣會開心到攬實我
- 記得第一次比驚喜你
- 記得第一次嬲你, 因為你以為我玩你
- 記得你好中意"我的最愛"入面d金句
- 記得你個ex岩岩開始果陣成日打比你, 我成日幫你鬧佢
- 記得我發現你唔只一個ex, 你後來同我坦白, 原來佢仲係保6架添, 你以為我會嬲, 其實我好開心你咁坦白
- 記得我成日講錯野激嬲你
- 記得你第一次cut我線
- 記得同你一齊去星光upup耀保良, 我胃痛, 之後你同我地去到荔景先返klb, 你真係好好, 你唔坐比我呢個病人坐, 仲企係度比我靠住
- 記得由第一個月開始, 我就開始整100日送比你ge野, 可惜比你發現左, 果份野充滿我同你頭100日ge回憶, d紙仔全部都係我又細又核突ge字
- 記得每次同你影貼都有其他人一齊, 除左100日果次
- 記得第一次爆分鐘因為成日同你傾電話,sd msg
- 記得臨考試前一個月比左d bb相..ipod..陪左我好耐ge bear你, 因為我想閉關溫書, 點知最後都忍唔到, 甚至考緊試都出黎搵你
- 記得第一次因為想比驚喜你而差d嗌交
- 記得第一次你陪我出fun
- 記得有一次apm ge function, 穎穎拍我地個頭話未見到我地....
- 記得你同我一齊買左隻smiling
- 記得你同我一齊去書展簽名會, 我仲我最愛ge2個人一齊影相!
- 記得第一次上軒家, 波波係咁搞我, 爪到我對腳花哂, 你好心痛, 不過最後我搵到治波ge方法, 比你搞到我10點先返到家
- 記得無論係同你朋友定我朋友去bbq, 都非常開心
- 記得每一次我嬲, 你都會同我say sorry 直到我原諒你, 每一次我問你係咪喊, 你就會否認, 然後我就會心軟
一切一切都好開心, 不過.............
- 記得我為滿足你而決定買nds比你, 仲有其他野諗住200日送比你, 身邊ge朋友什至連軒都知
- 記得有一次傾電話, 你發脾氣話我從來冇心裝載你講過ge野, 你仲搬左nds出黎講, 結果我好嬲
- 記得後來我係xg將一切講返哂出黎
- 記得今次你say sorry我都無反應, 我一句聲都冇出甚至要收線
- 記得幾日後都係原諒返你
- 更記得我決定以後唔再花心思
- 記得有一次我好驚會分手, 果次岩岩嗌完交, 我問"你係咪..." 你答"唔係囉!"我爆眼淚, 因為其實我想問你係咪仲中意我
- 記得9月開始, 我1日十幾個call都搵你唔到
- 記得中秋我想搵你去玩但我搵你唔到
- 記得後來係婷..軒xg見到你地中秋同佢地玩, 我心淡喇
- 記得你冇再on msn, 然後有一個聲稱係你媽媽ge人叫我唔好再搵你
- 記得9月27睇完四條大路通陰間果晚, 終於打到比你, 你地係op哈佬喂緊, 你把聲我差d認唔出, 因為你把聲cool左好多, 我開口第一句就係約你出黎攞返d野
- 記得10月11我約左你出黎, 你講過ge野我仲好記得, 因為你真係好絕, 本來係送比你ge果樽星你都冇要到, 結果我親手將我摺到手指痛ge野掉入地鐵站個垃圾桶, 正式分左手
- 記得後來你有打過比我
- 記得由呢個電話開始, 我嬲左你2-3個月
- 記得後來同婷msn, 先知果個聲稱係你媽媽ge人原來就係你
乜你真係咁憎我咩?!
      
依家聽歌都會諗起你
不過呢段時間我學到好多野.多謝你!=]
*花火不再燃燒 故事完了*
發完癲喇.
打左我成晚!-0- | 
