8-9/10係中4體驗營 去左烏溪沙青年新村
8/10同平時一樣要8:00前返到學校 之後集隊
集完隊去左hall玩遊戲 主要都係班團遊戲
到左11:45出去食飯 食完飯順手買左本漫畫攞去睇
返到去就上車 去到個到就做簡介 之後就有2個鐘既free times
不過我個班要排戲 唔經唔覺用左1個鐘 因為我同個阿sir玩得好開心 重同佢fd左 佢比我叫佢花名
完左排戲就去左打乒乓波 狀態唔錯《雖然都係廢》
到6:00去食飯 中間有好多老師黎探我地
之後有一個叫做「無悔一生」既晚會 再之後又有展望將來既活動
完左就返房沖涼 今次要同3位阿sir訓 開頭覺得好慘 但係之後發覺原來有好多好處
例如社工會攞野食出黎,一齊玩鋤大d 同阿sir玩連win 3場.........正
我重識左社工個助手 吳sir 佢同我一樣都係曼聯fans 真係好又多一個MUfsns
到左1點幾社工話睇戲 睇《毒蛇風暴》真係超正
因為唔係用電腦睇 而係用投射器投落牆到睇 再加上喇叭 真係同去戲院睇冇咩分別
睇完已經3點幾 大部分人都去哂訓 得返1,2個人未訓 因為都作文
作一遍給將來自己既信 我都作左200幾字
之後4點左右同嘉慧,孫玲,牛根同我去散步
但係見到Miss張 所以行左一震就冇行 各自返房
返到去 牛根去左訓 成個營房都我一個未訓 我睇左震漫畫就訓 如果冇記錯 個時都差唔多6點
9/10 7點幾起身 之後食早餐 見到d野食都冇胃口 又唔熱又唔好食
食完早餐又係自由活動 又去左打乒乓波
到左10點有活動叫....迎接挑戰
開頭有個小活動比我地放鬆 結果好多人都訓左
之後Miss張有分享 最後大家一起唱下歌
到左12點又食飯 今次d野食好好多 我都食左2碗飯
之後返營舍收拾行裝 到左2點幾返到學校 隨即解散 我就返屋企打機
係呢個camp我有好多體會 又識到朋友 真係唔錯 有機會真係想學校搞多次
