今日１０點幾起左身囉∼跟住同ｋｏｋｏ仲有豬豬玩ｍｓｎ．．

之後大約４點打俾牙ｔｏｍ．．先知佢今日１１點就起左身＠０＠”．．（轉死性？！）

點知佢話係佢牙爸唔俾佢訓咁多．．哈哈∼抵死．．

之後等佢搞掂都５點幾．．先走去搭巴士．．

搞到要豬豬等好耐．．ｓｏｒｒｙ＞＜”．．不過見佢傾電話傾得咁開心＝．＝＋．．

之後去左ＵＡ買戲飛．．再去左玩具反斗城扭蛋蛋．．

跟住買爆谷食．．３個人去買情侶套餐＝０＝．．．之後就入場啦．．

睇戲期間．．唔知點解．．係咁聽到有人跌電話落地下囉＝０＝”．．

成套戲差唔多成３粒鐘．．坐到超攰囉．．不過期間都好開心既．．

之後睇完就去左吉之島食野．．我買左壽司食．．

佢地就買九州拉麵同埋章魚丸仲有一塊不知名物體．．

之後食完就上左玩具部到睇野．．但係好快俾人趕走左囉．．

因為人地趕住收鋪＝０＝”．．之後行過去太古城中心間冒險樂園諗住儲飛．．

點知又關埋．．冇計．．之後我同牙ｔｏｍ搭巴士走人．．而豬豬就搭地鐵．．

搭緊巴士果陣．．我終於可以刪到ｄ錄音．．但係ｄ信息．．刪唔落手．．

係巴士度喊左好耐先刪得果幾個．．之後落車走後面果條路．．

佢好認真問我．．係唔係真係放得低．．仲重複問左幾次添．．

跟住佢番左屋企．．我仲係佢屋企樓下間幼稚園係度坐．．

終於鼓起勇氣刪信息．．之後打番電話叫佢落黎．．由佢黎刪．．

之後佢差唔多送到我到屋企樓下時．．我攬埋佢最後一下．．

我就自己跑番屋企囉＠∼＠”．．