最近晚晚都出銅鑼灣...

晚晚都唔夠訓...日日番工都好似殭屍咁..唉...

琴日為左等你...係一段短短既巴士站與m記既道路上..

我諗起碼來回50次了。.......真係行到隻腳好攰頂唔順先至行去你屋企樓下坐低等你,,

冇計啦,,,費事撞到你daddy....坐左\咁耐都見唔到你...

點知番到屋企樓下見到你岩岩番黎...問心...果一刻真係開心既...

無奈你對我已經可以完完全全當係朋友了。一句關你咩事,已經好令到人心酸...

而我可能唔想面對事實,我亦都發左你脾氣....

但係無奈我亦都係勁冇志氣既人...我竟然會主動打番俾你。

雖然你臨收線果句,我轉頭打俾你,我知道一定唔會兌現...

但係我都仍然有等...好傻丫呵?...冇計啦...慣左信你...

今日收左工同洪洪同埋我既靚靚契女詩喬去左你公司食飯....

一去到門口,已經見到你女朋友了。

不過冇幾耐我諗佢落場掛,佢就走左上去上層...到走既時候都冇再見過佢...

食飯期間,見到你好幾次,...你都見唔到我...

好彩臨走你都見到我...冇浪費呢餐飯錢...哈

其實我見到你行出黎去洗手間...果陣我絕對可以去門口等你番黎...

但係我冇咁做到...畢竟你太多線眼了...

不過我都抱住我契女行左出門口幾次...睇下見唔見到你女友多次...

可惜~撞唔到XD"....期間我契女好大力咁"車"我條項鍊...

果一刻勁驚佢會"車"斷...因為係你最後送俾我既禮物...

離開左你公司之後就大出血了....去左sogo買左條裙仔俾契女...

450蚊喔@0@!!!...分分鐘買俾自己都未買咁貴...

冇計啦...連封上契利是都冇俾過契女...當一次過啦,,,

跟住行左陣皇室堡都各自回家了。因為靚靚媽咪要番屋企交人啦~哈

兒家終於番到黎屋企啦....要執"行李"同jessie北上了...

koko...下次你一定要出席,,,唔係我真係會嬲死你=_=!

唔知今晚會有咩奇遇呢~好期待添...嘻....

坦白講,估唔到你會覆我信息...

有時候真係係度諗...你呢份人係咪有雙重性格...

日與夜既態度同埋性格點解可以有咁大差別...

不過有時候可能在於你既立場...一句不經意既說話..

已經可以令我感到好窩心..當然,你係唔會知道。

今朝好自作聰明咁去叫你起身...好可惜原來你今日番早...

經己一早出左門口...而我...亦都好"於"咁同你爸爸講左2句話...

到兒家,,我仍然覺得自己好"於"...

聽完koko今日所講既野...我又係度諗...

如果事件中既女主角係我....我諗我都會好似佢咁做...

冇計啦...性格太相似了~嘻...

另外,,,,大我10年的朋友...永遠都只可係朋友。

我諗應該要頒番個貞節牌坊俾我~哈....

冇計啦...專一無罪牙麻....係美德黎嫁!!!

平時呢個時候我一早訓左...唔知點解..其實今晚有衝動想去樓下等你...

但係最終都冇落樓....因為同你講過...我唔會再去捕你了....

而且或者你都唔想見到我...無謂令你感到更加煩厭啦..

人真係煩...點解要咁多野諗...好討厭牙>"<

如我所願,,,真係出左去吹海風...

仲好舒服添...雖然談話內容唔太好...

但係咁樣出黎傾下計都係件唔錯既事..

係jessie口中知道左好多關於你最近所發生既野...

聽完,,,無奈...真係無奈....

明白點解你會咁嬲,,,咁燥...

亦都同jessie傾關於佢自己既野...雖然寧教人打仔,莫教人分妻...

但係如果一段感情真係留唔住既...作為朋友應該係提供適合既意見..

而唔係一味叫佢死頂...捱落去...

或者大家分開下...可能就會知道到底對方係唔係真係適合自己...

雖然同你只係短短唔夠10秒既對話...

但係問心...知道你冇事...番緊屋企...真係好放心....

知道你為左佢咁嬲,咁燥,咁唔開心...好為你而心痛...

但係無奈...我已經做唔到d乜野...所以我只可做到最起碼對你既關心,問候。

夜已深,,,希望你番到屋企都可以安心入睡啦。

今日面對左一個好耐既心結..

就係我竟然會去睇番十分愛呢套電影..

問心果句...咁耐之黎..我真係冇去再接觸呢套電影...

或者因為呢套電影亦令到你對我講其中一個大話...

所以我唔想去回憶番呢樣野...

但係今日放假...

我一連睇左十分愛同埋獨家試愛...

睇完之後...都冇左當初睇果種感覺...

平時我睇呢d戲,我一定會喊...或者我已經變得冇咁容易喊了...

身體最近已經好番好多...令我又想出去吹下海風...

但係又驚感冒番發...唔理啦...今晚一於出去!

唉..番工愈黎愈唔開心..

或者我可能唔識同呢類型既人相處啦...

日日番到屋企都成身煙味...唉

我諗冇幾多個做寫字樓既人會好似我咁日日番工9粒鐘都吸兩手煙..

但係冇計..唔做呢度去到邊..

再講...我亦都唔想俾人睇死..睇死我做唔長份工...

所以點都會捱落去。以前就話身邊有個人可以傾下...

兒家冇囉!!乜都要靠自己...因為呢d野我唔鍾意同屋企人講...

朋友...朋友都有各自自己既野煩...

唉....有時都唔知自己想點....好似冇左佢真係會死咁樣....

有時又諗下...佢呢個心魔仲要係自己身邊留幾耐...

或者我自己自私....即使佢一個電話我經已好開心...

但係好可惜...佢既內容...絕對唔係因要搵我而搵我。...

大多係無聊...或者有事要幫忙....唉...好似好衰添..咁樣睇人><"

正如岩岩睇雜誌見到一田百貨做特價...只限明天...限售200套...

多啦a夢既被,枕...總之係套裝啦...$199...

當我睇完之後.,..我個心竟然即刻係有一個念頭...

佢一定好鍾意...我去唔去買俾佢好呢=~="..

但係我根本唔知一田係邊...好似係沙田=.=?...

點解我無論做d咩...第一個總會係為佢而諗...有時真係想同自己講一句...

爭氣d啦...無左佢洗死咩...唉...對住塊鏡...都想鬧下自己。

琴日我好衰咁發夢佢地分開左....我諗呢排自己諗野都真係痴痴地。

但係一開眼..知道係發夢...個心就抽一抽咁..都唔知想點...

唉...日日如事...真係想死。