今日朝頭早睇左惡作劇之吻之後就一直都係度打機．．

跟住到７點既時候就出門口．．係新翠食左吉野家之後．．

就搭地鐵去觀塘ＡＰＭ．．因為豬豬同埋佢屋企ｄ豬食緊晚餐既關係．．

所以我自己去先．．跟住我一去到岩岩好孫耀威出黎唱歌．．

可惜豬豬趕唔切黎－０－”．．不過我地既位置都算唔錯嫁啦．．

見到大銀幕同埋個台既側面．．雖然ｄ人係咁逼＝＿＝．．

有個女人仲成個訓落我度咁濟＝　＝”．．

跟住ｄ明星１個１個咁出黎唱．．有好多嫁．．

關心妍．泳兒．鍾舒漫．傅穎．江若琳．吳日言．曹格．柏豪．洪卓立

裕美．夢夢．Ｈｏｔｃｈａ．孫耀威．ＥＯ２．鄧穎芝．范萱蔚．李逸朗．陳柏宇

應昌佑．Ｓｕｎ　Ｂｏｙ’ｚ．關淑怡．．有ｄ唔記得左．．ｓｏｒｒｙ－　－”

不得不提關淑怡．．佢唱歌果陣．．台下面張貓紙超級大張囉＝　＝．．

而江若球同埋吳日言係後台準備緊果陣．．

見到我地都有同我地ｓａｙ　ｈｉ．．

Ｓｕｎ　Ｂｏｙ’ｚ果個Ｗｉｌｌｉａｍ都有同我地ｓａｙ　ｈｉ既．．

不過佢個表情好唔掂＝　＝”．．冇笑容＝＿＝”．．

傅穎真人真係好鬼靚＞口＜！

牙．．唔記得左提佢．．周忠師傅．．上台教煲湯－　－”

之後有幾對跳舞組合都搞到支”咪”個娛樂新聞台牌仔跌哂落地．．

跟住我地企到１１點１０左右．．就落左去後台果邊諗住影相啦．．

我本來想影李逸朗既．．點知當我想影既時候．．洪卓立就係後面跟住出黎．．

而佢ｄ粉絲．．就係我同豬豬既後面．．洪卓立∼洪卓立∼∼

有條仔仲勁．．係咁叫話要洪卓立身上果張ａｐｍ貼紙添＝　＝”．．

最後．．１張相都影唔到．．剩係影到裕美同埋洪卓立既短片－３－”．．

之後我地就上左機鋪打機．．打完之後就去搭小巴走囉．．

不過格小巴等左幾耐先肯開車．．番到柴灣．．

諗住好快可以番到屋企啦．．點鬼知番小西灣果格小巴又係等勁耐先肯開車－　－”．．

最後番到去食埋碗粥．．同我牙媽吹陣水就去訓囉－口－

今朝８點幾好自然咁彈左起身．．

之後當然係做打電話小姐．．打俾佢地叫佢地起身啦．．

豬豬最叻．．打俾佢果陣．．原來佢已經搞掂哂ｄ野．．

雀屎就做緊豬小姐．．係度訓緊覺．．

而牙ｔｏｍ．．同我差唔多啦＝＿＝．．都係岩岩起身．．

跟住９點鐘出門口．．．同牙ｔｏｍ一齊搭地鐵．．

之後係西灣河等埋雀屎．．再係北角打俾豬豬．．

就一齊去金鐘囉．．之後食左個大家樂早餐就搭巴士入去囉．．

等緊巴士期間．．見到好多奇人異士．．＜＜當然我係指果ｄ大陸自由行啦＝＿＝”．．

你要咩ｌｏｏｋ都有咁濟．．著裙高跟鞋去既都有＝＿＝”．．．

跟住去到．．超級多人囉．．本來諗住租ｌｏｃｋｅｒ既．．但係６０蚊．．好貴＝＿＝”．．

最後都係放棄．．我地一開波就玩排死人既滑浪飛船．．

我地周圍果ｄ自由行．．真係煩到痴肺．．又拎住ｄ遮整黎整去．．

好似係度耍大戲咁＝＿＝”．．尤其我後面果ｄ小朋友．．煩到嘔電．．

跟住終於到我地玩啦．．我同豬豬一架．．雀屎同牙ｔｏｍ一架．．

當架船上緊去既時候．．果ｄ死人”架架”聲真係令人好鬼死驚－　－．．

不過當衝落去既時候．．果一刻只有濕既感覺．．冇驚既感覺＝＿＝”．．

可能學豬豬話濟．．經過上次嘉年華既經驗．．呢ｄ已經唔算得係咩－　－”．．

跟住就去左玩隔離既太空摩天輪．．一ｄ都唔驚．．但係就真係有ｄ暈暈地＝＿＝”．．

之後雀屎同埋豬豬佢地頂唔順咁熱．．就去左換衫．．我同牙ｔｏｍ係出面等佢地．．

豬豬出黎果陣仲話拾到５蚊添＊ｖ＊”．．下次祝你拾到５０蚊．．ＸＤＸＤＸＤ

跟住我地就去左睇”交配”館．．去到下層果陣．．有隻海豹仲想親親牙ｔｏｍ添－ｖ－”．．

之後到出口果陣有間紀念品鋪頭．．雀屎好無情咁一個袋掃跌左隻企鵝＝　＝”．．．

跟住我地去左玩飛天鞦韆．．見到ｄ自由行鍾意除鞋玩．．．有個女人仲勁．．

踢左對鞋出去．．仲好自豪係咁ｙｅａｈ．．－　－．．．睇佢玩緊果陣仲利害．．

好似ｄ人行緊死刑咁．．笑到我地死死下－　－”．．

跟住就落左去玩過山車．．過山車好正．．因為唔洗排咁耐隊－ｖ－”．．

今次我同牙ｔｏｍ一架．．雀屎同豬豬一架．．

話時話．．合埋眼玩．．唔係太驚．．之但係個頭撞黎撞去．．都幾痛下＝　＝．．

跟住豬豬同埋牙ｔｏｍ上去玩多次．．我同雀屎就係下面等佢地．．

等佢地玩完我地就去左玩海盜船．．離心力有少少既．．又唔可以話太驚．．

但係玩完好想嘔＝＿＝．．跟住我地就去左食野．．烤雞配薯條－ｖ－”．．

跟住我去左換衫．．踢拖真係好鬼舒服－口－”．．不過個ｌｏｏｋ真係唔多掂－　－”．．

之後再食埋杯紅莓刨冰．．掂哂．．跟住我地就向夏水禮出發啦！．．

一開波．．唔理啦．．６０蚊就６０蚊啦．．去租ｌｏｃｋｅｒ－　－”．．

仲撞到牙ｔｏｍ個表哥．．佢表哥都冇佢講到ｄ頭髮咁長姐＝＿＝”．．

之後搞掂完我地ｄ行李．．就正式開始囉．．首先我地就去左玩熊貓滑梯．．

點知雀屎一上樓梯果陣就仆左街＝　＝”．．我就上到去先仆街－口－”．．

跟住果ｄ姐姐就會慢慢”登”你落去．．都幾好玩嫁ＸＤ．．

原本我地想去玩個迷宮嫁．．但係我地過高＝　＝．．

仲俾個靚仔串我地．．你地唔玩得嫁！．．我地走左之後佢仲好開心係咁ｙｅａｈ．．

之後就去左玩投球報水．．呢個遊戲只係小遊戲黎嫁姐．．俾你濕下身咁．．

跟住我地就去左玩泡泡池．．記住係泡泡池．．唔係波波池！．．

真係好多泡泡嫁ＸＤ．．我地當然係玩夾攻．．牙ｔｏｍ仲係咁食泡．．

不過我地３個都好慘＝　＝”．．之後沖完身就去玩水槍戰．．

我係度俾死人牙ｔｏｍ射囉．．仲要霧到睇唔到野．．＝＝”．．

不過真係勁好玩．．仲玩到全身濕哂．．跟住我地再番兜玩滑梯同埋泡泡．．

泡泡今次我地就主要圍個工作人員．．好正－ｖ－”．．

最後玩多次水槍大戰．．排係我地後面既小魔怪．．仲俾我地唆擺攻擊牙ｔｏｍ．．

本來都係得果２姊弟既．．後尾冇端端多左３個靚仔．．

有個仲好似有過度活躍症既”１２歲”小朋友．．話明要射我地＝＿＝”．．

個工作人員俾支細槍佢．．佢仲話我夠１２歲嫁啦．．我要支大槍＝口＝”．．

跟住我地為左對抗外敵．．暫時放低內戰．．一開波我地就衝去門後面埋伏．．

不過班小魔怪真係好利害．．仲射到豬豬隻眼皮上面紅哂－口－”．．

最後我地射完最後一槍就拿拿臨跑出黎逃亡ＸＤ．．．．

跟住果陣都差唔多７點就去換衫走人囉．．本來應承陪雀屎玩越礦飛車既．．

但係最後大家都好攰．．冇玩到．．今次係第一次去海洋公園冇坐纜車既．．

就係大樹灣果邊出口搭巴士走人．．之後架巴士去到金鐘．．我地冇人肯落車．．

因為實在太攰啦．．之後落車果陣．．唔知邊ｑ個係度嘔．．

仲要嘔到成條樓梯都係．．都唔知點行好．．真ｐｋ．．

跟住牙ｔｏｍ因為趕住番工．．佢就搭地鐵走先．．

我地就去大家樂食晚餐．．雀屎仲好可愛ｓｅｎｄ信息俾我．．

內容係：我到左大家樂啦，食埋野番屋企啦∼

佢本來係想ｓｅｎｄ俾阿拉丁既．．但係佢太攰啦．．就ｓｅｎｄ左俾我－口－”．．

最後佢俾我同豬豬笑左勁耐．．嘻嘻－ｖ－．．

跟住我都懶得去搵７８９個站．．就同佢地一齊搭地鐵番屋企．．

番到屋企差唔多１０點．．估唔到我老豆咁鬼醒．．

幫我錄左強劍大結局．．抵鍚牙＞３＜．．之後沖完涼睇埋個大結局就訓左覺囉．．

Ｐ．Ｓ：今日玩得好開心．．好多謝豬豬同埋雀屎＞ｖ＜∼

　　　　仲有多謝果個成日蝦我既牙ｔｏｍ．．多謝你肯去－﹏－．．

今日晨早早７點俾雀屎嘈醒．．就受命陪佢同ｄ賓賓爭去拎身分證ｄ籌．．

之後大約差唔多９點鐘．．拎完之之後就去左大家樂食早餐．．

當我地品嚐緊我地美味既早餐時候．．有隻不速之客黎騷擾我地．．

就係一隻好大隻既蒼蠅＝＿＝．．．之後經過獅子王既河東獅吼．．

隻野就俾佢嚇走左囉＝＿＝．．．跟住就行番去入境大樓果邊．．

之後填番份表．．冇端端俾個人捉埋填份選民登記表．．ｏ嘴＝＿＝．．

未夠１８歲都要人填．．痴線嫁＞口＜！．．

跟住終於夠鐘到獅子王排隊啦．．．頭果２位先生都幾好笑－ｖ－．．

不過最後果位老姑婆主任真係唔多掂．．兇神惡煞咁－．－．．．

之後１１點終於整完啦！呢個時候．．獅子王拎住佢果張行街紙＝＿＝．．

好白痴牙．．ＸＤＸＤＸＤＸＤ．．

跟住搭叮叮．．去銅鑼灣－ｖ－．．一去到就去時代睇戲．．

睇五星級大鼠．．好好笑嫁．．鄭中基配音真係幾搞野－ｖ－”．．

我發覺左一樣野．．豬豬同埋雀屎睇戲都好鍾意笑得好大聲＝　＝”．．

跟住睇完之後就去左機鋪玩左陣．．同雀屎玩射喪屍．．

玩完之後就上左美心食下午茶餐．．幾好味－ｖ－．．

之後就展開我地今日既行街旅程．．首先．．

就俾ｄ人呃左去個咩米奇鼠假大派對．．好似ｄ寶藥黨咁．．

呃埋ｄ無知婦孺．．＝＿＝”．．最後拎左個藍色小包包．．

就去左銅鑼灣地帶睇ｄ名牌銀包＝＿＝．．因為獅子王又要瘋狂掃貨＝＿＝”．．

跟住最後去左果棟商業大廈既１７樓買左個散子包．．價值：３１０蚊＝口＝”．．

之後佢仲未肯放棄．．繼續去尋求高跟鞋同埋袋＝＿＝”．．

最後好彩佢都冇收獲ＸＤ．．．

跟住就去左太古城陪佢拎條褲．．拎完走果陣撞到Ａｍｙ．．

仲要拎住包椰菜．．跟住就去左筲箕灣買海洋公園飛．．

買完就陪左佢去探佢婆婆．．點知佢婆婆發燒．．

就陪埋佢婆婆睇醫生．．之後就送佢地搭完的士．．

我就搭地鐵番屋企囉．．好彩趕得切拎兩袋衫．．

跟住番屋企睇完強劍再殺落百佳掃貨．．

掃完就番屋企涼冷氣上網打機啦＞ｖ＜∼

<<藍色小包包..

今日係獅子王生日既大日子！．．

但係．．亦都係廚房既結束日．．有ｄ唔捨得添．．

雖然話就話係九龍灣發生左好多唔開心既野．．

但係點都會有ｄ唔捨得既．．唉．．

好啦．．講番今日．．

今日朝頭就同左雀屎同埋ｋｏｋｏ去左食個好美味既大家樂早餐．．

之後我地食完就慢慢等．．最後坐左係運動家外面ｄ櫈度等牙ｔｏｍ．．

期間仲撞到ｔａ姐佢地．．先知原來佢地都遲番．．

跟住終於等到牙ｔｏｍ啦∼

就一齊番去啦．．．一番到去就俾老鼠黎串．．

算數啦．．最後一日．．俾埋你串！

跟住拿拿臨去更衣室換衫啦．．之後因為ｃａｔｈｅｒｉｎｅ唔舒服．．

老鼠黎就要我陪佢落一落去醫療室．．跟住上番去先知佢係度講緊ｄ廢話．．

之後聽牙聽．．聽完之後開始拾雪櫃．．．

拾完之後張伯叫我地整ｄ香茅．．．

我見支野咁得意．．就拎左黎玩”哈利波特”．．．

俾係咁俾人串我低ｂ添．．超．．呢ｄ叫童真！！你冇嫁啦！

之後就派左ｋｏｋｏ特務去拐帶獅子王．．

我地就落去飯堂先．．擺好個陣．．就等獅子王黎啦．．

佢黎到之後．．我地當然有唱生日歌俾佢聽啦－ｖ－．．

仲送禮物俾佢添＞ｖ＜∼．．不過豬豬好大頭蝦唔記得左個價錢牌－口－”．．

唔緊要啦＞ｖ＜∼之後食食下蛋糕．．就會一個十級殘酷既遊戲．．

而係呢個遊戲當中．．我係死得最慘果個．．唔單只成頭都係．．

仲擦損左隻手．．同埋ｄ腳指超痛．．下次唔玩啦＝＿＝”．．

不過最好玩都係同ｋｏｋｏ．．ｋｏ獅子王．．好大滿足感＝ｖ＝．．！

跟住上番去８樓獅子王就去考成本控制．．我地就係班房睇貼紙相．．

之後無啦啦張伯話要考試．．算數啦．．當然出貓居多－ｖ－．．

跟住點知老鼠黎無端端入左黎．．仲收左牙ｔｏｍ部ＰＳＰ添．．

之後考完老鼠黎好似要見家長咁．．逐個逐個咁見．．

我地就落左去食麵．．好抵牙．．１０蚊大大碗．．＞ｖ＜∼！

跟住上番去老鼠黎又話唔洗見囉．．之後換完衫清完個ｌｏｃｋｅｒ先話唔洗清．．ｓｈｉｔ！

之後就同豬豬落左去買水．．上到黎仲送左ｆｒａｎｋｏ一句話．．

佢就問我洗唔洗咁記仇＝＿＝”．．呵．．

跟住本來諗住去陶大影貼紙相既．．但係點知間野”汁”左．．

最後就冇影到．．豬豬就上番九龍灣機鋪打機．．

雀屎就同阿拉丁去銅鑼灣．．我就陪牙ｔｏｍ搭到去鰂魚涌就走左囉．．

之後去調景嶺搵媽咪．．再一齊去紅磡．．間酒店好靚牙．．．

ｄ野都幾好食．．不過食到我超級飽囉＝＿＝”．．．想死咁濟．．．

最後都係趕唔切番屋企睇強劍．．唯有睇小新啦－３－”．．

咁就完左第２個啦．．唔知第３個會點呢－﹏－？