前兩日都唔想打日記．．我既一個月日日打日記既目標失敗了．．

等８月吧－﹏－．．今朝早打俾牙ｔｏｍ．．佢未起身．．

就同雀屎一齊番．．之後雀屎打俾ｙｕｋｏ．．冇人聽．．

我地就去左ｏｋ買飽飽食．．之後等埋豬豬黎．．

預左遲到上到去打卡．．仆你個街．．打卡果陣２５．．上到黎張卡２６囉．．

之後換完衫就出黎食飽．．期間ｙｕｋｏ同ｓａｒａ番左黎．．

跟住開始第一堂．．今日整香草雞排．．抄完食譜就入去囉．．

今日牙ｓａｍ講左句．．牙ｓｉｒ好似睇死我地唔識起雞咁．．

我就回左句．．佢可能以為你淨係識得叫雞掛－ｖ－”．．．嘻！

跟住煮完個雞水．．起哂ｄ雞都差唔多夠鐘囉．．

我地就去飯堂食ｌｕｎｃｈ，ｙｕｋｏ去左搵隔離班．．

而牙ｔｏｍ就同ｄ天王係班房打機．．痴ｑ線．．落到去超多人排隊囉．．

仲勁多人打尖囉．．我地當然唔拾輸＝＿＝．．打ｓａｒａ尖．．哈ＸＤ．．

之後食完就出左去坐一陣．．就上番去囉．．

係班房坐到１２點半．．．張伯黎掃人走夠鐘去上普通話堂．．

今堂考試．．ＰＫ．．全部唔識．．預左唔合格＝＿＝”．．

之後繼續入廚房整番ｄ雞同埋煮飯．．不過都係張伯煮姐．．

跟住豬豬佢地係度煎雞排．．見到ｄ油彈黎彈去都驚驚＝＝”．．

幾經辛苦豬豬煎完就拿拿臨去影相．．試味．．

ｄ飯幾好味∼ｄ雞排都好滑．．總之好味道啦∼

之後係班房偷懶左一陣就要夠鐘入番去廚房洗地囉．．．

冇水我同豬豬都係度繼續拖．．原因係唔想拾雪櫃．．哈ＸＤ．．

跟住係長櫈坐左陣．．再出去睇佢地踢波．．

肥仔唔知點解又好燥．．ｆｒａｎｋｏ話佢贏波同輸波都咁燥嫁啦－﹏－”．．

跟住換完衫出黎繼續係班房坐．．ｙｕｋｏ同雀屎去陶大．．

我，豬豬同埋牙ｔｏｍ就上左德福機鋪打機．．

玩賽車係咁輸＝＿＝．．玩筋肉人．．我好叻．．有贏過．．

但係俾佢挑機又贏番．．＝＿＝．．之後搭地鐵走人．．

同佢搭小巴係藍灣落車．．撞到佢牙媽．．走人＝口＝”．．

最後買左麥當勞做今晚既晚餐．．點鬼知番到屋企我老豆又話同我食飯囉．．ｓｈｉｔ！

年紀細，係咪就大哂先？

年紀細，係咪可以去打劫殺人？

年紀細，就乜都要人地去就佢？

年紀細，只不過係一個藉口。

今日本來好準時起身．．照道理黎講係唔會遲到的＝＿＝．．

點知出門口落到樓下原來要９點後先有８ｐ搭．．．

唯有拿拿臨去搭小巴轉地鐵啦＝０＝．．．

點知原來豬豬都遲到．．哈哈－ｖ－．．

不過佢就早我少少啦．．之後我地到左拿拿臨入場．．好彩都係做左少少姐．．

波特兄個頭．．真係愈黎愈似佢老豆＝＿＝．．

妙麗就當然愈黎愈靚啦－ｖ－．．果個張秋．．．算吧啦＝＿＝．．都唔知點選角嫁．．

不過唔睇唔知．．原來石內卜後生個樣咁似長毛嫁＝＿＝．．哈哈．．

呢集仲加入左一位貌似黃夏惠既牙嬸＝＿＝．．真難頂．．．

之後睇到１１點幾完場．．坦白講．．呢集雖然交代左ｄ野唔多．．

但係時間又係２個幾鐘．．唉．．又要等下年啦＝＿＝．．

跟住陪豬豬去左ｍ記買飽飽食．．再去巴士站接雀屎．．

之後再去皇室堡ｒｅｄ　ｂｏｘ唱ｋ∼∼點鬼知佢話要１２點先有野食＝＿＝．．

好．．我等＝＿＝．．之後就唱住先啦＝﹏＝．．

雀屎好乖．．陪我唱學警出更＝＿＝．．可惜我點既ＢＢ保你大冇唱到．．

最後完場係以一首”講不出聲”黎完場的＊ｖ＊．．．．係咪好完美呢＊ｖ＊．．

跟住就去左世貿影貼紙相同埋打機．．仲有擲彩虹．．．我贏到毛巾同埋珍寶珠＝＿＝．．

之後走果陣．．見到有活動．．原來袁彩雲今日黎＝＿＝．．

不過我覺得ｄ模特兒仲靚過佢囉．．佢得個瘦字＝＿＝．．

之後．．我同豬豬就展開一個好神聖既任務．．

就係陪雀屎去搵鞋送俾丁丁＝＿＝．．．成個銅鑼灣俾我地行哂都搵唔到．．

唔係賣哂就係冇碼．．好．．送佛送到西．．行落去灣仔雜城搵＝＿＝．．

係窗口出面睇．．見到好大隻鞋牙．．仲唔係有？！．．

點知個人話．．呢對係１１號．．．．ｓｈｉｔ＝＝　．．丁生著９號牙＝　＝．．嗚．．

跟住我地仲係抱住呢個打不死既精神＝＿＝．．搭巴士去太古城．．

第一站．．去左吉之島玩具部玩擲彩虹．．我贏到支筆＝＿＝．．

而豬豬就贏到包好似ｂｒａ帶既摺紙．．

之後我地３個仲同ｄ細路爭玩美少女波子機．．．．＝＿＝’．．

我又贏到支筆．．哈哈－ｖ－．．點解都係筆．．嗚＝＝．．

跟住就落去美食廣場食野．．好抵牙．．２人套餐４８蚊．．

有２碗大拉麵．．２碗飯．．２杯野飲同埋一碟餃子＝ｖ＝．．

我就同雀屎叫左呢個．．而豬豬就叫左個糖醋排骨拼菜飯．．仲要送碗酸辣湯添．．

之後食完上番玩具買拖鞋．．但係睇唔岩．．淨係得豬豬一個買．．

跟住就俾雀屎拉左我地去玩亡命跑步．．跑過去太古城中心＝＿＝．．

仲要不顧交通安全．．橫飛馬路＝＿＝．．．丁丁．．你既吸引力係咪真係咁大＝口＝”．．

之後好可惜．．都係搵唔到果對鞋．．最後番左去康怡果邊買另外一對皮既ｃｏｎ屎．．

不過雀屎當然好失望啦．．搵到成日都係得個吉＝＿＝”．．算數啦．．有心就得嫁啦＝﹏＝”．．

跟住去番吉之島買野飲再係美食廣場坐左陣．．就搭巴士番屋企囉．．

因為雀屎要趕番屋企睇怪談＝＿＝”．．而我都唔可以咁夜番啦－ｖ－”．．

雀屎搭果格２Ａ好快黎．．我搭果格死人１０６．．超級耐先黎＝＿＝．．

仲要咁鬼死熱．．ｓｈｉｔ＝＿＝．．跟住終於有車黎超級感動．．

可惜．．原來屋企樓下冇巴士站．．要係富怡果邊落．．又要行．．隻腳超攰．．

好似唔係自己咁．．＝＿＝”．．番到屋企拿拿臨沖涼．．本來想開電腦打打埋日記先．．

但係真係好攰．．頭都未乾就訓著左囉．．

今日雀屎因為要去搶花球所以唔番學－ｖ－．．

我就係柴灣地鐵果度等牙ｔｏｍ．．走左４班地鐵到啦∼佢就黎左囉．．

跟住係九龍灣同埋ｋｏｋｏ一齊番．．豬豬遲到－﹏－”．．

不過ｋｏｋｏ好懶．．唔肯行樓梯．．寧願遲到都要搭笠－ｖ－”．．

我就同意粉仲有ｓａｒａ行樓梯．．牙ｔｏｍ同埋殭屍ｄｏｎ就一早跑左上去囉．．

打卡２３分∼嘻嘻＞ｖ＜．．之後坐左陣豬豬番左黎．．

不過聽佢講．．佢打卡２４分．．跑樓梯上黎．．勁牙＝口＝＋！

跟住一入班房．．老鼠黎話要上堂．．今日講家禽＝﹏＝．．

期間我聽到牙ｔｏｍ同工人係度討論魚囉．．

亦都聽到牙ｔｏｍ講左好多次．．類似講做咩講我最鍾意既魚果ｄ囉．．唉．．

之後上完呢堂就上電腦堂．．冇驚冇險又過一堂．．就放ｌｕｎｃｈ．．

ｌｕｎｃｈ得我地３個食．．牙ｔｏｍ跟左３大天王走．．算啦．．都預左．．

食食下∼意粉突然過左黎∼佢話ｙａｎｙａｎ解決緊佢既腸胃問題＝＿＝．．

跟住出左梳化坐．．同米嘈果ｄ係度傾計．．米嘈問左幾條問題．．

仲問我辛唔辛苦添．．我話辛苦嫁．．不過冇計．．自己攞黎．．呵呵．．

之後就上番去囉．．理論堂．．係度講香葉．．不過聽佢地講．．ｄ香葉都幾臭下＝　＝．

跟住老鼠黎講到夠鐘都唔知．．要魏君黎我地．．之後上普通話堂．．

今堂係度抄ｄ範圍．．叫我抄中文就好姐．．抄ｄ拼音．．真煩＝＿＝”．．

之後就落堂去換衫出街上ＰＥ堂．．出到去．．見班仔唔見哂．．以為佢地落哂去．．

點知原來佢地去左飯堂食野囉＝＿＝”．．跟住齊人開車去鯉魚門出發．．

未入得去果陣．．我地仲係廁所打視像俾雀屎．．

佢今日穿件衫好靚牙＝ｖ＝∼．．仲有花花的．．哈哈．．

之後今日考籃球．．首先係考２人一組帶住個波走－﹏－”．．

唔知應唔應該多謝ｔ－ｂａｃｋ呢．．唔洗包尾．．好開心＝＿＝”．．

之後考射波．．我練習果陣好屎嫁．．射好多球都係入得果２球．．

但係到真正考果陣入到４球．．２０分．．岩岩好合格＞ｖ＜∼嘻．．

到豬豬一樣分∼而ｋｏｋｏ就１５分．．ｔ－ｂａｃｋ同埋眼閃閃就０分＝﹏＝”．．

不過即場補考好似有５分．．男仔方面．．聽牙ｔｏｍ講．．熊貓０分＝口＝”．．

牙ｔｏｍ就同我地一樣２０分∼叻叻．．嘻嘻．．不過佢地唔知做乜野．．

擲左個籃球去樓頂果個計分板後面．．拎唔番落黎囉．．最後佢地當然俾黑山老妖鬧啦．．

跟住夠鐘人．．以為ｔａ姐做乜咩行咁快啦．．原來去買媽咪麵囉．．ｏ嘴＝＿＝”．．

之後ｋｏｋｏ亦都買左吹波膠．．不過俾黑山老妖睇到．．佢就話冇錢搭車．．要唱錢－ｖ－”．．

跟住番到學校．．拿拿臨去換左衫先∼嘻嘻．．咁鬼死熱＝﹏＝．．

之後換完就去左班房坐．．班男仔仲未換衫．．ｔｏｍｍｙ唔知做乜野要做掌上壓．．

４０下．．不過原來佢體能冇我想像中咁勁＝＿＝”．．睇埋佢做完我地就走左囉．．

跟住係宜家見到ｌｉｎｇ姐．．佢瘦左好多牙．．ｋｏｋｏ要學下啦－ｖ－．．

之後就上左機鋪打機．．打俾牙ｔｏｍ睇佢黎唔黎．．佢話唔黎．．

跟住問下佢係邊．．佢就話行緊．．問多句係邊行緊．．

就一句關唔關你事彈埋黎囉．．唉．．

之後睇豬豬玩完鴨仔舞同埋射籃球就走左囉．．期間我都有玩打拳既．．

走果陣打多次俾佢．．＜＜我真係好厚臉皮．．哈哈．．

佢話係調景嶺．．咁佢平時係油塘轉嫁麻．．問下佢點解係調景嶺轉姐．．

又係度話．．仲有冇野牙．．之後就ｃｕｔ左我線．．呵呵．．

跟住ｋｏｋｏ同ｌｉｎｇ姐去大家樂食野．．

我就同豬豬去左麥當勞試下美祿麥旋風．．都幾好味．．不過食左幾啖已經好流．．好多朱古力．．

之後豬豬今日陪左我搭到去柴灣．．佢就走左囉．．

我到底應唔應該繼續等落去．．或者佢兒家討厭我到極點．．

我應該仲要唔要咁厚臉皮去搵佢呢．．其實只要係朋友就可以嫁啦．．

唔需要再上一級．．但係佢兒家可能連朋友都唔當我係．．

今日ｋｏｋｏ係梳化同我傾左好多野．．佢話牙ｔｏｍ除左因為鍾意左”佢”之外．．

仲有係因為我煩．．鬼唔知咩．．不過佢最後都講左句．．

當你鍾意一個人既時候．．你會成日想搵佢．．會緊張，關心佢．．煩呢個字根本唔會存在．．

咁樣講．．究竟係因為我煩所以搞成咁．．定係佢變左心．．先會覺得我煩呢．．

我真係唔知．．我兒家仲可以做ｄ乜．．洪洪今日講左句好正既野．．

捨不得．．但心已死．．＜＜我係捨不得．．但係心．．唔知死哂未呢．．

今日ｋｏｋｏ遲到．．我，雀屎同埋豬豬冇等到牙ｔｏｍ就行番學校先．．

搭笠上到去．．最後部機２５分．．拿拿臨打卡．．哈哈．．

不過蘿蔔好唔好彩．．打卡２５．．張卡上到黎２６＝﹏＝”．．

之後入班房．．原來牙ｔｏｍ番左黎囉．．仲早過我地＝口＝．．

跟住就入去換完衫出黎．．今日整香茅豬排．．頭兩堂都係入廚房．．

醃ｄ豬肉同埋整ｄ薯仔．．好快就放ｌｕｎｃｈ．．

不過牙ｔｏｍ同埋牙ｓａｍ就慘ｄ．．俾老鼠黎叫去幫手拾櫃．．

之後落到去．．今日食長通粉．．ｄ味道都ｏｋ嫁．．

跟住就出梳化坐．．起初係度玩猜包剪揼既．．

之後牙ｔｏｍ同埋ｓａｍ係度玩手機果個排球ｇａｍｅ．．

仲有個角色叫ｍａｎｄｙ添．．講真．．佢俾個個睇係唔俾我睇．．係人都知咩事啦．．

跟住咪同雀屎走左囉．．講真．．我唔係想嬲ｋｏｋｏ．．

可能因為呢排個人真係唔多開心掛．．唉．．算啦．．

跟住上英文堂．．個ｍｉｓｓ俾兩樣野我地揀黎考．．

一個就係考烹調方法．．一個就係考３文魚．．２個都係背．．

不過我地揀左背３文魚．．感覺上容易ｄ．．

之後今堂得ｔｏｍｍｙ考左．．仲要係睇住黎讀囉＝＿＝．．咁都叫考左？．．真係勁．．

跟住就落堂．．我同埋ｋｏｋｏ背黎都冇乜用．．豬豬一早倒地身亡．．所以唔計＝＝”

之後繼續入廚房．．整埋ｄ豬同埋ｄ薯仔．．豬豬就去煎豬排．．

我同埋牙ｔｏｍ就幫ｄ薯仔搣皮＝﹏＝”．．好鬼熱牙＝＿＝．．

跟住搣完就係度周圍行黎行去．．張伯請食蘋果批．．好味道∼不過有ｄ流．．

之後整完佢示範點裝飾ｄ豬排．．佢整果２朵花都幾靚嫁．．

而牙ｔｏｍ就拎ｄ．．唔知叫咩呢＝　＝”？．．係度扮大衛．．

跟住食完ｄ野清完場就拖地．．不過都係ｔａ姐同埋ｆｒａｎｋｏ果ｄ拖姐．．

搞掂之後我地就入左更衣室．．班仔就出左去踢波．．

坐到差唔多４點３先出去．．跟住出左長櫈．．因為唔想係更衣室對住班化妝班．．

之後夠鐘打卡走人．．牙ｔｏｍ就跟左３大天王佢地去飲野．．

我同埋豬豬仲有ｋｏｋｏ就去左運動家買鞋．．雀屎當然係走人去搵丁丁啦＝口＝”．．

買完豬豬本來想去機鋪．．但係我唔想去．．最後佢都冇去到．．

搭地鐵走人．．去到地鐵站．．ｋｏｋｏ拉埋豬豬去拎曲奇＝＝”．．

之後等緊地鐵果陣．．豬豬打左俾牙ｔｏｍ．．睇下佢係邊．．

原來佢已經走左．．係油塘囉．．算數啦．．＝﹏＝”．．

跟住豬豬本來想陪我搭到去柴灣既．．不過我話唔洗．．佢就係觀塘落左車．．

之後係度諗打唔打俾牙ｔｏｍ．．．終於打左．．不過講左幾句．．

佢已經好想收線．．仲話得閒打俾我．．講真．．就算佢得閒．．要搵果個都唔會係我啦．．

跟住番到小西灣．．幫豬豬買完白飯魚．．就番屋企．．

期間唔知點解周圍留意ｄ著白色衫既人．．我係唔係痴鬼左線．．

其實我係好驚自己一個係小西灣度行．．我好驚會見到牙ｔｏｍ同埋”佢”一齊行．．

或者我真係好鐘意亂諗野．．我琴晚聽聽下歌都可以喊．．

腦裡面諗起好多畫面．．唔單只係以前一齊果ｄ日子．．仲有諗住佢成日提起佢既時候．．

琴晚喊到好夜先訓得著．．仲要發惡夢紮醒．．究竟我係度做緊ｄ乜．．

我唔知用ｄ咩黎形容兒家既心情．．只係．．我發覺我好似番番以前．．

番番去４月２５果日．．果日咁孤獨．．我到底可以做ｄ咩．．

你既冷淡冇錯係增加對我既傷害．．或者可能你想令我憎你掛．．

但係我憎唔落手．．只有愈黎愈傷心．．對你既鍾意就一ｄ都冇減到．．

犯賤．．呢個詞語應該就係用黎形容我．．

因為今日我老豆一早出左門口既關係．．搞到我慢慢黎＝口＝”．．

之後搭緊小巴果陣打俾牙ｔｏｍ．．點知佢就黎到柴灣．．

當然落左車一支箭標上去啦－ｖ－．．好彩間地鐵未開車．．俾我追到姐∼嘻嘻＞ｖ＜∼

跟住係西灣河ｊｏｉｎ埋雀屎一齊番．．之後去到九龍灣．．

ｋｏｋｏ遲到．．而豬豬都未到．．我地就去左ｏｋ買飽飽食．．

買完行番學校入笠果陣見到豬豬＠０＠．．佢好快牙＝口＝”．．

之後換完衫食緊飽飽果陣見到ｋｏｋｏ番左黎．．佢打卡好似２９分．．

跟住第一堂落ｃ房．．係度宣佈有邊ｄ人要補考．．頂佢．．

俾佢嚇鬼死．．有我同埋豬豬仲有ｋｏｋｏ果名囉．．點鬼知佢話呢ｄ唔洗補．．

之後雀屎同埋牙ｔｏｍ當然就係大逃殺既死難者．．哈哈＝　＝＋．．

下星期３佢地就要補考囉．．跟住繼續上堂．．講”魚”．．．＝︿＝．．

跟住第２堂就係英文堂．．點鬼知英文果個ｍｉｓｓ又勁遲先黎．．

仲要話今堂要考試囉．．睬佢都傻＝＝　．．係度聽歌訓覺．．

之後要搞到成１１點３先落堂囉．．ｓｈｉｔ．．

我地就落左去食ｌｕｎｃ．．今日食車仔麵．．冇乜好食－﹏－”．．

食完就出去梳化玩．．例牌遊戲＝＿＝．．不過今次既犧牲品好慶幸唔係我．．

而係牙ｓａｍ．．他的”奶Ｇ”就快不保嫁啦＝　＝”．．跟住牙ｔｏｍ亦都加入．．

冇錯．．佢猜包剪揼係咁輸．．我地對佢既待遇同ｓａｍ相差好遠．．哈！

之後等緊笠果陣．．撞到ｓａｒａ同埋佢條仔．．仲一齊猜＝　＝＋．．

跟住佢條仔送到佢上８樓就走左囉．．之後上食物衛生．．

今日難得一堂．．個個係度抄野．．因為有５分＝口＝＋．．

不過估唔到個ｍｉｓｓ咁可愛．．叫ｔｏｍｍｙ　ｓｅｎｄ歌俾佢囉－ｖ－．．

之後好愉快落完堂就落ｃ房上理論堂．．今堂講牛．．

牙ｔｏｍ話ｋｏｋｏ畫果隻牛好似河馬＝　＝．．我笑了．．

跟住上完就上番８樓上普通話堂．．見到果個好耐冇見既牙ｓｉｒ．．

不過可能冇人ｓｏ佢．．佢係度發神經＝　＝．．．最後仲黎首香港始終有你囉＝　＝．．

之後落堂我地成班女就入左更衣室坐．．坐到成３點半先出去．．

班男仔都洗完一半地．．剩番一半我地洗．．不過我地都好快洗完．．

跟住就去換衫．．換完就係長櫈坐．．之後ｋｏｋｏ係度扮工人．．

仲問八爪魚估下係邊個．．之後工人發脾氣－﹏－”．．仲串番ｋｏｋｏ．．

之後等埋牙ｔｏｍ出黎就走囉．．跟住去左運動家行左陣．．

係度睇泳衣．．豬豬講左句好可愛既野－口－．．

不過唔講囉．．引用豬豬名言．．我唔想死住．．．

之後去左麥當當買雪糕食．．期間仲撞到ｓａｒａ佢地．．

跟住就搭地鐵走人囉．．豬豬又係觀塘落左車＝﹏＝”．．．

而我就去左銅鑼灣．．去買飛．．都唔明果條地鐵站斜路做乜咁鬼長＝　＝．．

牙ｔｏｍ就去左灣仔搵佢牙媽拎粟米．．之後我買完飛等緊８ｐ果陣打俾佢睇下佢係邊．．

佢話搭緊８ｐ．．問佢邊格又唔講．．

跟住有一格黎緊．．比著以前．．我一定去望下後座佢係唔係度先上．．

但係今次我冇．．我望都冇望就上．．果陣諗緊．．係度咪係度．．唔係度亦都算數．．

唔通我變左？．．但係如果真係變左．．點解今朝我又要追住部地鐵呢．．

但係當我上左部巴士之後．．我有ｄ失望佢唔係度．．

冇幾耐格巴士去到柴灣我打俾佢．．佢原來係我後面果格巴士．．

本來佢果格慢過我嫁．．但係我果格個司機又開得慢．．俾佢追到＝＿＝．．

仲要快過我落車添．．但係我望到佢３次．．

１次．．２格巴士平排．．佢好寂寞咁望住個窗．．不過唔係我果邊．．

２次．．佢過緊馬路．．我搭緊果格巴士紅燈停車．．．

３次．．就係佢係佢屋企樓下過緊馬路果陣．．．我離好遠望到佢．．

咁樣算唔算係變左呢．．仲係咁留意佢．．唉＝﹏＝”．．

之後番到屋企．．痴線嫁．．開個冷氣勁耐都咁鬼死熱．．

頂唔順．．拿拿臨去沖個涼先－ｖ－．．嘻嘻∼