2020-2-14

今日係情人節，以往既情人節都有你同我一齊去過，今年身邊已經再無你既存在，有啲唔習慣

好多謝你仍然當我朋友一樣同我傾計，係我知道一切既野都返唔到轉頭，你都係唔會再返黎我身邊

當我呀媽問到你最近做咩無上黎既時候，我真係唔識答，只係答佢因為你唔得閒，因為我仍然相信有一日你係會返黎

我同YHT講左我同你分手，佢都係驚訝左，因為佢覺得我地一齊太耐啦，無可能會分手！

其實冇話咩可唔可能，只係大家都覺得唔再一齊好似舒服啲😔

已經喊左第二日，好多朋友仍都安慰左我，但我始終唔習慣同走唔出

 2020-2-13

終於都到左分手依一日啦，一路以嚟拖拖拉拉其實真係好辛苦，我最後都係選擇放過你！

一路以嚟既冷淡同埋無視，我都可以忍受，甚至我為左你去改變曬自己，希望可以變成你想要既人，但我改變既同時你都改變緊，變到一個我完全唔熟悉既人。

點都好，好多謝你陪左我差唔多六年既時間，亦都包容我所有野，祝你以後會幸福同搵到個岩你既人