2020-02-19

同你分左手一星期，仲未習慣自己一個人生活，以前既我有你係身邊支持，依家既我只可以靠自己

今日情緒終於都崩潰左，開始訓唔到教食唔到野，唔知係咪抑鬱又返黎搵我呢？

我好努力係屋企人面前扮到乜事都無，仲扮緊我同你一齊，原來咁樣係好辛苦架

我每一晚只可以係自己既被竇到喊，又或者係返天水圍一個人靜下/彈下琴

每次彈到你送比我果首我的宣言，我啲眼淚又好唔爭氣咁流落黎

原來一個人扮無野或者係扮堅強係咁攰架！

 2020-02-18

今日係我徹底崩潰既一日，因為我終於同你失去左聯絡，你無再回覆我一句喇！

我都知道再咁樣傾落去會沒完沒了，必須要有一方去終止依場談天，但我真係無諗過咁快

今日係到諗，如果當初我無同你講我可以接受分手，我地依家會點，會唔會仲係到扮緊幸福呢？

我見到你既ig已經將我地所有既回憶刪除曬，望住你ig既相，我有陣陣既失落感，曾經我出現係你ig既次數好多，到依家再無機會再出現係你ig每一個地方

但我仍然唔捨得將你同我既回憶由我既ig刪走，只係將佢封存，希望有日你返黎，我就可以回復所有野

 2020-02-17

今日既我，仍然掛住你，仍然會因為一句歌詞或者係你一個信息而喊

已經連續飛左大帽山好多日啦，我享受飛車既感覺，因為可以短暫咁忘記你

但當我飛完車之後，陣陣既失落感又返黎啦，我始終都係失去左你：（

今日既你比之前冷淡左好多好多，已經唔想再覆我，就算回覆都係一個符號，我真係咁唔值得你去覆咩？

因為失去左你，自殺既念頭又不斷出黎，我以後自己可以用依樣野去令你返黎我身邊，但我發現我自己好傻好傻，就算我做啲咩，你都唔會再返黎我身邊

仍然學習緊去放低你

 2020-02-16

今日既你視乎已經唔再需要我，但我仍然唔知醜咁去wtsapp你！

我身邊出現左一個對我好好既男仔，但我唔會接受佢，因為我仍然係原地等緊你

已經寫左4篇既日記，慢慢習慣失去左你，我今日好傻咁搵占卜問我地可唔可以一齊返，結果係好小機會，當場又喊左出黎

我好慶幸你wtsapp到仲會回覆我，雖然回覆既內容係好短甚至係一個符號，但我都已經心足啦！

 2020-02-15

今日仍然可以同你傾到計，你仲會同我分享你既生活，我唔貪心，只係想一路keep住咁既關係！

本身晏就都好地地仲同你傾緊計，但唔知點解到左夜晚一切野都改變曬，你變到比之前仲冷淡

今日又渣左架車上大帽山，沿途見到好多樹我都好想撞埋去，因為無左你，我已經唔知點做人！

多謝你一直以黎都包容我啲臭脾氣，到依家先發現我地一齊依段日子，我令到你咁辛苦！

今日多左個朋友搵我安慰我，佢叫我每一日寫一篇日記，記低自己既感受，直至到你返黎，唔知道我寫到第幾篇你先會返黎呢？